38蚊3個餸，我就叫左粟米，茄子，紫菜卷。而麵就叫左菠菜麵。加左6蚊既凍豆漿。
豆漿率先進場，飲落豆味濃郁，覺得好似一啲糖都冇，成件事覺得好天然，過於健康咁。
1
原先以為菠菜麵會好似蝦子麵嗰啲咁會令到個湯底有啲味道， 點知個清湯真係好清， 建議重口味人士加錢試其他湯底啦！
至於啲餸都畀到我幾大嘅驚喜，一開始估啲粟米係會切件有芯果種，但原來係用咗粟米粒，對於鍾意冇骨落地嘅人就啱曬啦！
另外嗰兩個餸其實一啲都唔清淡，茄子嘅皮仲係紫色，一路食一路滴油出黎，應該用咗好多油去煮。而紫菜卷就似係炸腐皮加紫菜，算係響鈴個朋友啦，所以都油油地架！
