2DP (已結業)

近幾年潮興食素，我自己本身每星期都會有一兩日茹素清清腸胃。感覺上皮膚好咗，罪惡感都少咗。經過厚福街見一間新開的餐廳，隨了素食外，還主打調茶食物。好創新坊間少有。好奇心驅使又要試一試。看過菜牌，其實又並不是全素，有寫明含有芝士，奶製品之類。還有註冊營養師制定，可謂一絲不苟。檸檬紅茶飲得多，火龍果配合紅茶，仲要係smoothie 質感，咁有創意真係要挑戰一下。紅茶味好突出，清香。火龍果本身味淡，所以整體清甜不甜膩。今晚無肉主意，大啡菇菠蘿沙律最適合。醬汁頗為特別，感覺有少許咖喱味。材料新鮮，食得有營。甜品一樣有驚喜。點了一客焦糖燉疍配鐡觀音雪糕。焦糖燉蛋預期的滑溜有焦香。雪糕就好特別，勁強烈的鐵觀音味道，真係好有茗茶的感覺。一間不錯的餐廳，革新又保留傳統的概念。