天悅海鮮酒家 (已結業)

日頭大婚之日註冊了，濃妝又set頭，返到屋企大清洗後，素顏一身輕近近地天悅晚飯。必食天悅小炒皇鑊氣足，又惹味。紫薯鎮江骨哥哥至愛，醬汁濃配飯一絕，炸過嘅紫薯口感粉，微甜中帶醋酸好醒胃。蔥油霸王雞味道稍欠要醮蔥蓉至有味，蔥油夠香取勝。竹笙紅燒豆腐雜菌味道剛好，素食好選擇。唔健康嘅至係最好味，椒鹽九肚魚脆炸香口，粉漿唔算厚，九肚魚滑滑魚肉，炸蒜椒鹽豐足，不用醮淮鹽，用作佐啤酒確係爽。