更多
2021-01-21
543 瀏覽
最近疫情關係，盡量都只可以喺六點前出去嘆吓午餐下午茶，前行經黃埔，已經睇中咗呢間靚靚燒肉專門店，同老公講一定要試吓！我哋就揀咗一個早收工嘅下午去試吓😋諗住3,4點呢啲時間會少啲人，但原來都好多捧場客，仲有啲客人係叫埋一大支日本酒，一路嘆，一路燒肉。呢個時段仲有燒肉lunch set！有齊前菜，熱湯，沙律，肉，餐飲，甜品，非常豐富🥰食得好開心餐廳仲好細心俾咗一粒小肥膏，即牛油，係俾我哋用嚟喺熱爐上塗一層油，方便燒肉。而且味道更加香。餐廳店員好好人好細心，啲肉嚟到嗰時問我哋需唔需要幫忙燒肉，因為個步驟都幾麻煩，佢真係示範左一次然後就叫我哋自己跟住做。佢哋俾一隻新鮮雞蛋叫客人撈勻佢點啲肉食，肉質好軟滑，同時好香濃牛味，真係太好味啦😱我一食落口真係好驚訝望住我老公😂全部牛肉部位都好好食，我哋另外點左一份豚肉，相比起就真係冇牛肉咁好食，牛肉會滑同香好多😋最後令我哋驚訝嘅係尾聲嘅甜品。一行有兩款甜品，絕對係誠意之選！雪糕係柚子sorbet，另外就係杏仁豆腐布甸，我會比較鍾意食布甸，滑到不得了，好香牛奶味。好鍾意今餐嘅用餐經驗，好滿足！
盡量都只可以喺六點前出去嘆吓午餐下午茶，
前行經黃埔，已經睇中咗呢間靚靚燒肉專門店，
同老公講一定要試吓！
我哋就揀咗一個早收工嘅下午去試吓😋
諗住3,4點呢啲時間會少啲人，
但原來都好多捧場客，
仲有啲客人係叫埋一大支日本酒，
一路嘆，一路燒肉。
呢個時段仲有燒肉lunch set！
有齊前菜，熱湯，沙律，肉，餐飲，甜品，
非常豐富🥰食得好開心
餐廳仲好細心俾咗一粒小肥膏，即牛油，
係俾我哋用嚟喺熱爐上塗一層油，方便燒肉。
而且味道更加香。
餐廳店員好好人好細心，
啲肉嚟到嗰時問我哋需唔需要幫忙燒肉，
因為個步驟都幾麻煩，
佢真係示範左一次然後就叫我哋自己跟住做。
佢哋俾一隻新鮮雞蛋叫客人撈勻佢點啲肉食，
肉質好軟滑，同時好香濃牛味，
真係太好味啦😱
我一食落口真係好驚訝望住我老公😂
全部牛肉部位都好好食，
我哋另外點左一份豚肉，
相比起就真係冇牛肉咁好食，
牛肉會滑同香好多😋
最後令我哋驚訝嘅係尾聲嘅甜品。
一行有兩款甜品，絕對係誠意之選！
雪糕係柚子sorbet，
另外就係杏仁豆腐布甸，
我會比較鍾意食布甸，
滑到不得了，好香牛奶味。
好鍾意今餐嘅用餐經驗，好滿足！
張貼
