更多
2020-09-30
1271 瀏覽
有日係ig見到呢間新開既漢堡店🍔既廣告，大大隻啡菇🍄望落已夠吸引，再見到佢地有款龍蝦安格斯漢堡包🦞🐮係期間限定兼每日限量供應30個，苦等左幾日一到星期六即刻衝去紅磡幫襯🏃🏻♀️-漢堡店每日中午12點開始營業⏰，幫襯當日12點半去到有唔少客人係店旁等緊取餐，我張單已經係第38號，好彩最後順利買到想試既龍蝦漢堡🙉⚠️留意返漢堡店只做外賣🥡無堂食座位🪑，要有心理準備味道同質素多少會受到影響🙆🏻♀️-呢度既漢堡包🍔包體、配料到醬汁係逐樣收費，客人可以發揮創意自行配搭👩🏻🍳除左brioche同少有既bagel🥯之外，仲有為素食人士🥬提供全素麵包+純素芝士既選擇；而最特別係呢度居然照顧埋生酮飲食人士既需要，連生酮麵包同生酮蛋黃醬都有，算係坊間比較罕有既多元化漢堡店🍔******************************✨ 波士頓龍蝦安格斯漢堡🦞🍔 ($98)呢款漢堡由波士頓龍蝦尾🦞、車打芝士🧀、安格斯牛肉🐮、生菜絲🥬、松露蛋黃醬同brioche所組成，每條龍蝦尾🦞都係由漢堡店人手拆殼，算係誠意之作👐🏻龍蝦食落啖啖肉，不過始終一分錢一貨，龍蝦味唔太明顯，肉質亦唔夠爽口陣彈牙；至於塊漢堡扒係由漢
有日係ig見到呢間新開既漢堡店🍔既廣告，大大隻啡菇🍄望落已夠吸引，再見到佢地有款龍蝦安格斯漢堡包🦞🐮係期間限定兼每日限量供應30個，苦等左幾日一到星期六即刻衝去紅磡幫襯🏃🏻♀️-
漢堡店每日中午12點開始營業⏰，幫襯當日12點半去到有唔少客人係店旁等緊取餐，我張單已經係第38號，好彩最後順利買到想試既龍蝦漢堡🙉
⚠️留意返漢堡店只做外賣🥡無堂食座位🪑，要有心理準備味道同質素多少會受到影響🙆🏻♀️
-
呢度既漢堡包🍔包體、配料到醬汁係逐樣收費，客人可以發揮創意自行配搭👩🏻🍳
除左brioche同少有既bagel🥯之外，仲有為素食人士🥬提供全素麵包+純素芝士既選擇；而最特別係呢度居然照顧埋生酮飲食人士既需要，連生酮麵包同生酮蛋黃醬都有，算係坊間比較罕有既多元化漢堡店🍔
******************************
✨ 波士頓龍蝦安格斯漢堡🦞🍔 ($98)
呢款漢堡由波士頓龍蝦尾🦞、車打芝士🧀、安格斯牛肉🐮、生菜絲🥬、松露蛋黃醬同brioche所組成，每條龍蝦尾🦞都係由漢堡店人手拆殼，算係誠意之作👐🏻
龍蝦食落啖啖肉，不過始終一分錢一貨，龍蝦味唔太明顯，肉質亦唔夠爽口陣彈牙；至於塊漢堡扒係由漢堡店選用百分百安格斯牛肉自家製都幾厚身，不過食落無乜牛脂油香，肉質偏乾唔juicy，有d似食肉餅咁😥
比較失望既係brioche偏淋，上蓋無平時食開既鬆脆感亦無乜味道，有d似傳統麵包舖賣既餐包，只能依靠松露蛋黃醬既味道搭救🤦🏻♀️
-
✨燒烤菇🍄+蝦餅🦐、double車打芝士🧀、焦糖洋蔥🧅、松露蛋黃醬、生酮麵包漢堡🍔($79)
雖然係cheat day預左會瘋狂咁食野，不過都想留返d quota唔食咁多碳水🙈 生酮麵包最大好處係無糖無麩質夠晒低碳，但杏仁粉始終做唔到麵粉既麵筋效果，口感自然同正常麵包🍞唔同，店主係ig亦有詳細講解過兩者既分別💁🏻♂️
唔知係咪因為大啡菇🍄水分較多既關係，個生酮麵包一開始都靚靚仔仔幾實淨，食耐左就變到淋晒😂 雖然係咁，不過個人認為濕左既生酮麵包有d似pound cake既濕潤感，甚至乎好食過brioche🙈
另外想講下呢度既蝦餅🦐同樣係漢堡店自家製，新鮮炸起食落香口得黎又夠足料同彈牙，唯獨自己本身唔食開濃味就略嫌胡椒粉落得重手左，味道濃左少少🤏🏻
-
✨松露薯條🍟($38)
本來漢堡包可以加18蚊轉做套餐有汽水🥤同薯條水，但呢款松露薯條就只能單點，感覺唔太抵食🤔
取餐後第一時間係店旁打開盒薯條影相📸️，點知大部分薯條已經焗到淋左😕 店員見到咁既情況都有主動解釋返因為放左係度一段時間，所以都想係度提醒大家如果要買薯條就要有心理準備d薯條未等到食就已經變淋😂
呢份松露薯條既松露醬味道食落同漢堡包所用既松露蛋黃醬唔同，唔知係咪加左芥末醬/白醋，味道帶有d酸，松露味唔太突出，加上薯條凍左同淋左，其實唔太好食....🤦🏻♀️
******************************👧🏻人均消費：$110
😋味道指數：3.5/5
💰抵食指數：3/5
🪑環境指數：2.5/5
💁🏻♀️服務指數：3/5
👍🏻再訪指數：3/5
-
📍Nomad Burger
地址：紅磡德民街29號德民大廈地下F3號舖
⏰營業時間：12:00–21:00 (Mon–Sun)
張貼
