龍閣 (裝修中)

首先服務差到不得了，叫都唔彩，唔願做！等落單，等食物，等加水，再等落單，再等埋單，一直都係等！夠膽死等10分鐘都等唔到個人嚟幫手！一係行過叫都唔彩，唔知想點？！食物差，難食到不知所謂！淨係個鬆脆燒腩仔已經失敗到不得了！層皮淋嘅，點鬆脆呀？味道得個鹹字！原隻鮮蝦餃，一夾就散，蝦同皮分開爛哂！見食7個餸唔係咁好，本來都想加多一個，點知越食越難食，而且搵個人都冇，唔老嚟都算！總結，淨係服務已經唔會再來！