吉壽日本料理 (已結業)

「糧尾」永遠都係最令人苦惱既事之一，旺角除咗兆萬之外E出口亦都係另一個放題集中地，糧尾冇多餘錢但想食放題又怕中伏，揀咗呢間評價幾好嘅吉壽，之前朋友食過都話抵食。首先當然嚟一輪刺身，點咗三文魚、八爪魚、鮑片、甜蝦同北寄貝，用冰底座住刺身保持新鮮，賣相都整整齊齊一啲都唔求其。天婦羅炸漿薄脆，熱辣辣又唔會太油膩，壽司卷物體積細唔會好快就飽肚，最驚喜係花之戀上面嘅蟹籽好多之餘仲有三文魚籽。百幾蚊一位真係冇太大期望，但估唔到都合格有餘，應該係裝修過所以環境都幾乾淨企理，糧尾之選。