更多
2021-09-03
3174 瀏覽
2021年8月24日 星期二趁暑假仲有一個星期先完，一於同老婆玩盡d周圍行下，而今日我哋就出咗去旺角行下食下行到去白布街見到呢間餐廳，平時無論係旺角或者銅鑼灣呢間餐廳都好多人幫襯，聽講甜品好出名，而咁啱平日呢個時間唔算太多人，所以我哋就入咗去，順便慢慢抖返一陣一坐低之後就俾呢一個下午茶combo吸引咗，因為包咗好多款唔同嘅食物，鹹甜點都有，而且仲有飲品添，價錢唔算太貴，$268兩個人，所以諗咗一陣就點咗首先嚟到嘅係飲品，呢一杯係士多啤梨莫希托，裏面除咗有士多啤梨之外，仲有由蘋果片整成嘅玫瑰花瓣，賣相好突出，飲落去酒精味唔算太重，反而覺得酸酸甜甜幾冰涼老婆嗰杯就係熱情果菠蘿沙冰，佢話食落去好清新，每一啖都有濃郁嘅菠蘿味，而且沙冰唔會好快就溶晒等咗大約10分鐘左右，成個下午茶Tea set就送到，店員仲係上層加左乾冰，令到整體嘅賣相更加靚，十分適合打卡先講下層既鹹點，有巴馬火腿伴蜜瓜同蟹肉蟹籽酥皮盒，巴馬火腿既鹹味配上蜜瓜簡直係絕配，鹹甜味好適中，而酥皮盒好脆口，見得到裡面係一層層酥皮，仲有好多蟹肉添另外仲有意式蕃茄多士，脆卜卜既多士上面有好濃郁嘅意式番茄醬，加埋溶溶地既芝士，食落去好夾，
趁暑假仲有一個星期先完，一於同老婆玩盡d周圍行下，而今日我哋就出咗去旺角行下食下
行到去白布街見到呢間餐廳，平時無論係旺角或者銅鑼灣呢間餐廳都好多人幫襯，聽講甜品好出名，而咁啱平日呢個時間唔算太多人，所以我哋就入咗去，順便慢慢抖返一陣
一坐低之後就俾呢一個下午茶combo吸引咗，因為包咗好多款唔同嘅食物，鹹甜點都有，而且仲有飲品添，價錢唔算太貴，$268兩個人，所以諗咗一陣就點咗
首先嚟到嘅係飲品，呢一杯係士多啤梨莫希托，裏面除咗有士多啤梨之外，仲有由蘋果片整成嘅玫瑰花瓣，賣相好突出，飲落去酒精味唔算太重，反而覺得酸酸甜甜幾冰涼
老婆嗰杯就係熱情果菠蘿沙冰，佢話食落去好清新，每一啖都有濃郁嘅菠蘿味，而且沙冰唔會好快就溶晒
等咗大約10分鐘左右，成個下午茶Tea set就送到，店員仲係上層加左乾冰，令到整體嘅賣相更加靚，十分適合打卡
先講下層既鹹點，有巴馬火腿伴蜜瓜同蟹肉蟹籽酥皮盒，巴馬火腿既鹹味配上蜜瓜簡直係絕配，鹹甜味好適中，而酥皮盒好脆口，見得到裡面係一層層酥皮，仲有好多蟹肉添
另外仲有意式蕃茄多士，脆卜卜既多士上面有好濃郁嘅意式番茄醬，加埋溶溶地既芝士，食落去好夾，而且蕃茄味好香濃
最後當然唔少得上層嘅甜品，有海鹽藍莓奶凍配芝士雪糕、朱古力慕絲、抹茶紅豆慕絲等等，當中海鹽藍莓奶凍令我最驚喜，因為除咗顏色好靚之外，每一啖都食到濃郁嘅藍莓味，酸甜適中，加埋芝士雪糕真係冇得彈
至於兩款慕絲口感都夠幼滑，食完都唔會覺得口渴
最後仲有芒果拿破崙，師傅整得層次分明，一咬落去已經好鬆化，忌廉唔算太甜，食完都唔覺得太膩，而芒果粒都唔太酸，作為結尾唔錯
二人tea set連加一，$300有找，相信酒店嘅下午茶絕對做唔到呢個價錢
張貼
