影片
更多
2019-08-16
57 瀏覽
鉄人旨花環境優雅簡潔，和式裝修，感覺清靜舒服沙律前菜係鮮嫩嘅沙律菜配上wasabi酸汁，清新開胃，再加上藜麥，健康又有營養汁煮白鱈魚師傅手藝熟練，細心將魚皮拆開再煎香，食落卜卜脆又唔會油膩嚴選白鱈魚肉質嫩滑，煎成金黃色後配上日本清酒同洋蔥煮成嘅醬汁，味道鮮甜帶少少酒香，為味蕾帶來驚喜伴碟都非常別緻，採用日本食用小玫瑰作裝飾，食落有少少花香味，貪靚嘅女仕都一定會被迷倒海膽汁煮龍蝦來自東南亞嘅青龍蝦非常新鮮，放落鐵板上面肌肉仲識跳動龍蝦多肉，爽甜彈牙師傅會將龍蝦拆肉再切粒，方便食用用龍蝦膏同海膽特製嘅醬汁香濃，同鮮甜嘅龍蝦肉配合得天衣無縫裝飾亦係非常精緻，花盡心思法國白露荀，波子椰菜餐單上會有一道季節料理，每季為客人精心挑選最當造嘅食材精心製成今次我地食嘅係法國白露荀同波子椰菜，用左好creamy嘅忌廉汁煮成，不但無左波子椰菜苦澀嘅味道，仲將椰菜本身嘅香味散發左出黎，白露荀亦爽甜，係一道好特別嘅菜式熊本縣產A5和王牛然後到期待已久嘅熊本縣產A5和王牛脂肪交雜好平均，紋理清楚可以睇到，真係好似雪花一樣，一睇就知係最頂級嘅極品和牛師傅建議3成熟，輕輕將和牛嘅兩面煎香，再將厚厚嘅一塊切成小片，睇
環境優雅簡潔，和式裝修，感覺清靜舒服
沙律
前菜係鮮嫩嘅沙律菜配上wasabi酸汁，清新開胃，再加上藜麥，健康又有營養
汁煮白鱈魚
師傅手藝熟練，細心將魚皮拆開再煎香，食落卜卜脆又唔會油膩
嚴選白鱈魚肉質嫩滑，煎成金黃色後配上日本清酒同洋蔥煮成嘅醬汁，味道鮮甜帶少少酒香，為味蕾帶來驚喜
伴碟都非常別緻，採用日本食用小玫瑰作裝飾，食落有少少花香味，貪靚嘅女仕都一定會被迷倒
海膽汁煮龍蝦
來自東南亞嘅青龍蝦非常新鮮，放落鐵板上面肌肉仲識跳動
龍蝦多肉，爽甜彈牙
師傅會將龍蝦拆肉再切粒，方便食用
用龍蝦膏同海膽特製嘅醬汁香濃，同鮮甜嘅龍蝦肉配合得天衣無縫
裝飾亦係非常精緻，花盡心思
法國白露荀，波子椰菜
餐單上會有一道季節料理，每季為客人精心挑選最當造嘅食材精心製成
今次我地食嘅係法國白露荀同波子椰菜，用左好creamy嘅忌廉汁煮成，不但無左波子椰菜苦澀嘅味道，仲將椰菜本身嘅香味散發左出黎，白露荀亦爽甜，係一道好特別嘅菜式
熊本縣產A5和王牛
然後到期待已久嘅熊本縣產A5和王牛
脂肪交雜好平均，紋理清楚可以睇到，真係好似雪花一樣，一睇就知係最頂級嘅極品和牛
師傅建議3成熟，輕輕將和牛嘅兩面煎香，再將厚厚嘅一塊切成小片，睇住佢一路煮，真係好治癒
熊本縣A5和王牛肉質軟腍鬆化有油香
配上酸汁，wasabi，或者炸蒜片食用又會產生唔同嘅化學作用，味道會有唔同變化
和牛炒飯
使用新潟縣越光米，被評定為日本最好食嘅米，因為佢嘅飽滿度、甜度同光澤都出類拔萃，絕非一般嘅珍珠米
其他材料有日本蛋，和牛，蘿蔔同蔥
師傅只係簡單用鹽豉油黑椒去炒已經好香好有鑊氣，只係落左一茶匙油已經炒到粒粒分明，少一d功夫都做唔到
清酒雞湯
食完主菜，最好就係黎一碗熱辣辣嘅湯暖暖胃
師傅會用金色嘅錫紙放係鐵板上面係面前煲湯，感覺新奇得意
日本清酒加上雞湯，味道有d似醉雞煲或者雞酒，絕對係暖身之選
甜品
飯後甜品有柚子雪葩同水果杯
柚子雪葩甜甜酸酸，味道清新
水果杯有橙，哈蜜瓜同紅石榴，為全餐飯加上一個甜美嘅點綴
總括黎講，每樣菜式都製作用心，唔單止賣相好似藝術品一樣，味道更係出乎意料咁好味，係誠意之作
全程更可以睇住製作嘅過程，睇到師傅嘅功架，非常有趣，有機會一定要再黎
張貼
