154
4
10
等級4
119
0
2017-06-23 180 瀏覽
平時成日都去食西餐同日本菜,今晚約朋友去中環食飯!大家提議想食中菜,而佢一直想試呢間禮賓傅,適逢佢生日就請佢食下啦!唔知係咪我地訂位訂得比較早,又準時地6點半已到,以為無乜人好似我地包場咁?但7點後就已經坐滿左一大半,可算係幾有名!呢度環境好優雅,令人感覺好舒服、寧靜!仲有一個包廂,適合一大班朋友或者同事聚會!我地叫左兩個一人套餐$680/位,入面有六款食物、燉湯、炒飯、糖水頭盤先黎迷你鮑魚多士,好特別既配搭,鮑魚爽口彈牙,多士香脆夾住青瓜食唔油膩!燕窩釀雞翼從未試過食雞翼食得咁高貴!淡淡既燕窩好爽口,而雞翼亦煎得剛剛好外脆內軟!羊肝菌燉螺頭本身好鍾意飲螺頭湯,見到餐牌已經心心眼好期待,佢仲用左好珍貴既羊肝菌黎燉,飲落真係好清甜!蟹肉大良炒鮮奶初初望落似賽螃蟹咁,但入口原來感覺好滑,有頗多鮮甜既蟹肉,配上少少醋入口真係好美味!紅燒花膠花膠爽口彈牙,唔似一般炆到好淋既感覺!食完覺得補充左骨膠原咁!南瓜燴安格斯牛腩南瓜入晒味好淋,牛腩牛肉味好重,亦有種膠質既感覺!素千層浸芥菜膽原來素千層係似豆卜咁,本身芥菜會有種苦味,但配上杞子清甜,味道似中和返無咁苦!禮賓傅炒飯只係見到個名都幾期待同名既
更多
平時成日都去食西餐同日本菜,今晚約朋友去中環食飯!大家提議想食中菜,而佢一直想試呢間禮賓傅,適逢佢生日就請佢食下啦!唔知係咪我地訂位訂得比較早,又準時地6點半已到,以為無乜人好似我地包場咁?但7點後就已經坐滿左一大半,可算係幾有名!呢度環境好優雅,令人感覺好舒服、寧靜!仲有一個包廂,適合一大班朋友或者同事聚會!
18 瀏覽
0 讚好
0 留言


我地叫左兩個一人套餐$680/位,入面有六款食物、燉湯、炒飯、糖水
頭盤先黎迷你鮑魚多士,好特別既配搭,鮑魚爽口彈牙,多士香脆夾住青瓜食唔油膩!
10 瀏覽
0 讚好
0 留言

燕窩釀雞翼
從未試過食雞翼食得咁高貴!淡淡既燕窩好爽口,而雞翼亦煎得剛剛好外脆內軟!
6 瀏覽
0 讚好
0 留言

羊肝菌燉螺頭
本身好鍾意飲螺頭湯,見到餐牌已經心心眼好期待,佢仲用左好珍貴既羊肝菌黎燉,飲落真係好清甜!
6 瀏覽
0 讚好
0 留言

蟹肉大良炒鮮奶
初初望落似賽螃蟹咁,但入口原來感覺好滑,有頗多鮮甜既蟹肉,配上少少醋入口真係好美味!
7 瀏覽
0 讚好
0 留言

紅燒花膠
花膠爽口彈牙,唔似一般炆到好淋既感覺!食完覺得補充左骨膠原咁!
3 瀏覽
0 讚好
0 留言

南瓜燴安格斯牛腩
南瓜入晒味好淋,牛腩牛肉味好重,亦有種膠質既感覺!
3 瀏覽
0 讚好
0 留言

素千層浸芥菜膽
原來素千層係似豆卜咁,本身芥菜會有種苦味,但配上杞子清甜,味道似中和返無咁苦!
4 瀏覽
0 讚好
0 留言


禮賓傅炒飯
只係見到個名都幾期待同名既炒飯會有幾代表到間餐廳!原來係黑松露醬炒飯,配料有龍蝦粒、鮑魚粒、帶子粒等等,真係好香好美味!
4 瀏覽
0 讚好
0 留言

桃膠燉雪耳
桃膠係由桃樹上自然分泌出黎既桃樹油,內服可養腸胃,加上雪耳蓮子紅棗真係好清甜同更加滋潤!
2 瀏覽
0 讚好
0 留言









(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食