臻 (已結業)

嚟緊準備去香港大學讀書， 交完報名表就去附近行下行到近街市嗰邊 見到有間手工點心 就入去嘆返一盅兩件呢一 間手工點心都好近地鐵站過一條馬路就係。但一定要識路B2 口轉彎向後行， 好鬼近。坐低之後叫咗 一壺 香片嘆嘆茶， 之後老闆娘送咗兩碗是日例湯。 兩碗例湯完全無味精火喉夠， 清甜消暑。之後就叫咗個手工點心燒賣， 手工點心燒賣人手包製， 細細粒十分精緻。 餡料十分 足， 用上新鮮豬肉釀製。 非常好味仲有就係最可愛的豬仔叉燒包， 豬仔超可愛唔捨得食。餡料叉燒 好新鮮好好味， 真係內外兼備。最後就叫咗個 柚子石斑塊， 柚子汁甜甜酸酸好醒胃， 仲有菠蘿墊底。 斑塊有十多塊 用上新鮮石斑， 好味抵食。估唔到喺大學站附近都有呢啲咁抵食的點心。