.
餐廳裝潢古色古香有少少舊上海嘅風味。睇過餐牌之後,order咗醉雞擔擔麵、蒜香排骨菜飯、小棠菜餛飩，兩個女仔食份量啱啱好。
.
🐥醉雞擔擔麵：雞皮同雞肉之間有一層上湯啫喱，酒醉香氣有滲透到雞肉嘅肌里之中，好入味，表面有少許桂花花瓣，令到酒香味更加獨特。擔擔面湯底嘅花生味好濃郁，質感稠身，上面仲有大量嘅肉碎同埋花生粒，麵質🍜彈牙有致。
.
🥬蒜香排骨菜飯：大大塊嘅排骨炸得酥脆唔油膩，而且有切件上，幾方便食，上面有大量炸蒜，令到成件事更香口。菜飯調味適中，唔會太鹹，淡淡嘅菜香味，加埋微微油潤嘅飯粒，有少少台式嘅感覺，又帶點上海風味，幾高質。
.
小棠菜餛飩就飽滿大粒，外皮幾滑溜，而且有少少彈性，餡料係多菜肉少嘅比例，好似媽媽做的家庭式健康餛飩，口感爽脆，個人好中意。
～～～
上海弄堂菜肉餛飩 (歌賦街) (中環)
中環歌賦街35-37號地舖
