塚田農場 (已結業)

話說難得地出開新界區😂😂 (我真係好耐冇出沙田) 想食好野啊! 朋友就話既然係咁食塚田農場日本野啦!其實塚田農場價錢都唔平架~佢地嘅美人鍋平均都要每人3舊幾, 不過中午有午市套餐, 有甜品下午茶, 價錢平 D😙大部分嘅套餐都會有沙律跟, 生菜夠新鮮💟份量細細岩岩好開下胃~我叫左個 DIY 壽司套餐, 有6塊 sashimi + 壽司飯紫菜咁自己包黎食~而佢地亦有張卡紙教大家點樣包最好😁個套餐都有唔少野食~有9款小食, 每樣食幾啖都幾滿足下, 而且味道好好, 就好似係日本食緊佢地嘅小菜咁😋而 sashimi 就 ok, 只係普通嘅三文魚, 吞拿魚等等, 但係佢地上面嘅調味醬就夠晒特別😍😍可以試到唔同嘅味~朋友就叫左炸雞飯+烏冬套餐, 而佢地嘅炸雞真係幾出色! 炸衣好薄又夠脆~💟而雞肉都好嫩總結: 我地 3 個人嘅午餐食左接近 HKD600, 其實.....真係幾貴😌不過, 野食就真係唔錯, 花款又多~而且見佢日式火鍋都好多人叫, 下次可以試下啊！