每個定食都包括咗兩款前菜，味噌湯。
前菜係昆布蜆肉同埋薯仔蛋沙律，個薯仔蛋沙律好好味，口感綿密，又充滿蛋黃香。
日作五品丼
三文魚腩超肥美，劍魚魚油十足，北海道帶子肥厚甘甜，巨型赤蝦鮮甜彈牙，最畫龍點睛的是三文魚子，用舌尖輕壓，瞬間爆發鮮味。醋飯溫度亦恰到好處。
明太子沙律溫泉蛋唐揚炸雞丼
唐揚雞塊裹上秘製明太子美乃滋，酥脆外衣鎖住肉汁，椰菜絲沙律平𧗾油膩感。日本米飯佐以溫泉蛋，劃破瞬間，蛋黃傾瀉，撈飯超香。
味噌湯
每個餐都有味噌湯，除咗昆布同油揚，餐廳好有誠意入邊有兩隻蜆。
帆立貝赤板魚蛋溏心蛋烏冬
貪心嘅我哋仲追加咗呢個烏冬，絕對超值，有大大隻嘅帆立貝加上魚板與半熟溏心蛋，個烏冬係超煙靭。
自家製焦糖焙茶布甸
打卡靚，茶香深邃，口感香滑，焦糖苦甜平衡。
神戶蘋果汁
蘋果香氣在齒頰不散。
神戶葡萄汁
葡萄汁超香甜。
