。我地叫左杏汁燉白肺湯 (HKD 120)，蟹肉瑤柱栗米羹 (HKD 100)。主食就叫左香煎北海道帶子 (HKD 180)，銀絲焗釀鮮蟹蓋 (HKD 220)，椒麻和牛肩肉 (HKD 220)，西施牛尾 (HKD 180)，麵醬三香條 (HKD 180)，羊肚菌腐皮素卷 (HKD 180)。而甜品就要左芝麻卷 (HKD 28) 核桃餅 (HKD 28) 桂花紅豆糕 (HKD 28)。
前菜有鹿兒島茶美豚叉燒，黑魚子流心蛋，蜂巢鳳美蝦同麻辣口水雞。叉燒同口水雞既肉質好軟熟，好稔，而流心蛋加黑魚子既味道同口感都好豐富。至於個鳳美蝦飲質好鮮甜而炸得唔油膩
。
個白肺湯好好味，食落去有濃厚既杏仁口感，白肺又多又足料，正
。而個蟹肉羹味道唔錯，蟹肉又多又鮮甜
。
個帶子好大粒
，上面仲有黑魚子，而點埋佢個南瓜汁，真係好好味呀
。而個蟹蓋賣相唔錯，而且好好肉地，味道又好又鮮甜，黎到呢刻，見到媽咪食得咁開心已經好滿足
。
個牛肩肉炸得好香口，但唔肥膩，佢個秘製醬汁味道都唔錯。而個牛尾酸酸甜甜，令到我既味蕾好撞擊
。真係好好味!!!
至於個三香條同腐皮卷就係素食黎既。三香條有茄子，青豆條同豆腐乾條，味道都算幾清淡同健康。至於個腐皮卷炸得好脆口，內裏有好多羊肚菌。
至於個甜品，我個人就比較喜歡芝麻卷，但係核桃餅乾同桂花糕都好好味
。
