沙田乳鴿
乳鴿夠入味，唔洗額外落鹽👍🏻
冰鎮咕嚕肉
冰鎮效果幾特別，咕嚕肉脆口，酸甜開胃。
和牛啤梨(和牛餡料);非常山竹(龍蝦汁蟹肉餡料) ，外皮似鹹水角，味道唔錯，不過餡料太少。
皮蛋豆腐
我嘅心水之選，皮蛋香豆腐滑，唔錯👍🏻
挪威煙燻三文魚脆粢飯
呢個係唯一唔推介，煙燻三文魚+暖粢飯+wasabi 呢個組合係唔夾😕
花雕醉雞
正常發揮，冇乜驚喜
酒醉蟶子
口感彈牙，香甜爽口，值得推介👍🏻
另外有叫招牌黑金流沙包，同兩款煲仔飯，全部都好好味😋，不過唔記得影相。
最後埋單每人港紙三百中，尖沙咀晚餐嚟講價格合理。總括而言，食物選擇非常多，賣相精緻，味道不俗，不過個碟份量較少。
