更多
2019-10-08
440 瀏覽
🌶精緻嘅四川菜🌶上星期我同我個朋友約咗去旺角睇戲，我哋兩個都咁岩突然口痕想食啲辣野🌶，於是我哋搵咗一間喺Moko Mall食四川野嘅中餐廳醫肚。我哋入到去嗰陣時都係六點幾，仲未有好多人入坐，所以唔使等位。餐廳裝修得好特別好優雅。我哋一坐低服務員就好好俾咗個前菜俾我哋，仲好熱情咁同我地介紹D菜式添。打開個餐牌都覺得幾多選擇，除咗有四川菜之外，粵菜都好吸引，價錢亦都唔算貴，選擇都非常之多。🤨可能我哋兩個都啱啱放工，所以勁肚餓，兩個人都點左幾個小菜之後先發覺都幾多嘢食。本來仲想試吓佢哋啲水煮魚啊、酸菜魚咁樣非常之吸引，但係都知道兩個人食真係太大份所以放棄左！🥺我哋前菜點咗個涼拌青瓜海蜇頭同埋鮑汁雞腳。呢兩個前菜來講都唔算太細碟！涼拌青瓜海蜇頭呢個海蜇頭又唔係好辣，都幾入味爽爽地幾得意配埋個青瓜🥒兩個一齊好夾，爽爽脆脆咁樣好開胃。🤤而個鮑汁雞腳🐔就當然係唔辣㗎啦嗰個鮑魚汁超級濃味，雞腳林林地咁又好入味，又唔會好漏，超好味！😋唔知我哋係唔係因為太肚餓所以我哋兩個呢都點左兩樣餸菜都係送飯🍚一流嘅魚香茄子煲同麻婆豆腐。個魚香茄子🍆，有好香嘅鹹香味同埋
上星期我同我個朋友約咗去旺角睇戲，我哋兩個都咁岩突然口痕想食啲辣野🌶，於是我哋搵咗一間喺Moko Mall食四川野嘅中餐廳醫肚。我哋入到去嗰陣時都係六點幾，仲未有好多人入坐，所以唔使等位。餐廳裝修得好特別好優雅。
我哋一坐低服務員就好好俾咗個前菜俾我哋，仲好熱情咁同我地介紹D菜式添。打開個餐牌都覺得幾多選擇，除咗有四川菜之外，粵菜都好吸引，價錢亦都唔算貴，選擇都非常之多。🤨
可能我哋兩個都啱啱放工，所以勁肚餓，兩個人都點左幾個小菜之後先發覺都幾多嘢食。本來仲想試吓佢哋啲水煮魚啊、酸菜魚咁樣非常之吸引，但係都知道兩個人食真係太大份所以放棄左！🥺
我哋前菜點咗個涼拌青瓜海蜇頭同埋鮑汁雞腳。呢兩個前菜來講都唔算太細碟！涼拌青瓜海蜇頭呢個海蜇頭又唔係好辣，都幾入味爽爽地幾得意配埋個青瓜🥒兩個一齊好夾，爽爽脆脆咁樣好開胃。🤤
而個鮑汁雞腳🐔就當然係唔辣㗎啦嗰個鮑魚汁超級濃味，雞腳林林地咁又好入味，又唔會好漏，超好味！😋
唔知我哋係唔係因為太肚餓所以我哋兩個呢都點左兩樣餸菜都係送飯🍚一流嘅魚香茄子煲同麻婆豆腐。個魚香茄子🍆，有好香嘅鹹香味同埋小小辣辣地好開胃，而D茄子超入味好好送飯。雖然佢款望落去好似好紅好辣咁樣其實真係唔算太難送飯🍚真係一流。👍🏻
麻婆豆腐當然都係用黎送飯㗎啦！啲豆腐超嫩滑、加埋啲肉碎超惹味！剛開始食都唔覺得佢好辣嘅，但慢慢食落就有少少啦！當然啦！麻婆豆腐唔辣就唔好食啦！佢辣辣地，超開胃，令我食咗好多飯🍚🍚。
之後我哋勁為食仲加單，點咗個算係懷舊啲嘅菜式，唔係好多地方都仲見到有得食嘅麻辣韭菜鴨血🦆！我覺得呢個菜都真係幾好食而應該係我成餐飯食得最辣嗰樣嘢！開頭食嗰陣時食覺得個鴨血好入味嘅麻辣味，但未覺得得好辣嘅，之後食咗啲韭菜先覺得個麻辣後經好強🔥，真係好辣呀🌶🌶🌶！所以我同我朋友兩個都最後淨係食晒啲鴨血，食唔到啲韭菜！估唔到D韭菜重辣嗰啲鴨血，但真心好食嘅！其實我哋兩個都唔係好食得辣架咋！😅
之後我哋兩個食飽飽呢，就發覺七點幾開始好多人啦！仲好多人都有點佢哋啲水煮魚同酸菜魚，希望下次如果同屋企人嚟，多啲人就可以叫黎食！🤗
張貼
