大公館

營業中

休息中

同屋企人經過荔枝角，想食中式菜，就搵咗呢一間大公館， 全晚菜式都十分高質。我最鍾意食一啲酸酸辣辣嘅嘢㗎啦，呢一個川味口水竹絲雞完全正中我下懷， 辣味唔會太辣, 加上凍上的竹絲雞，雞肉十分鮮嫩滑， 係一個很好的開胃菜。 這間餐廳的炸品十分出色， 尤其高滿鹹蛋黃汁的金甲炸魚皮， 真係十分之香脆，鹹鹹嘅蛋黃 味道在口腔揮之不去， 令人忍唔住一啖接一啖。 銀雪魚更令人為之讚嘆， 嫩滑無骨之餘亦毫無腥味， 魚嘅鮮甜菜加埋鋪底嘅蒸滑蛋， 簡直係double嫩滑， 係全晚嘅菜品入面其中一個highlight。 豆漿杞子鮮黑腐竹浸娃娃菜亦係不可小看的入味， 黑腐竹豆味濃郁，煙韌可口， 娃娃菜鮮甜軟淋， 除咗菜本身嘅鮮味加上豆漿的香氣， 簡直將娃娃菜的味道升上一個更加高嘅層次。 除咗呢啲之外，仲有其他嘅菜式，包括 黑松露和牛炒飯，黑松露嘅味道濃郁，炒飯粒粒分明， 還有芝麻卷， 濃濃的芝麻味加上煙韌的口感等等， 為當日嘅晚餐劃上一個完滿嘅句號。 整體來說，可以話款款都係上乘作品, 是精緻嘅中菜式， 值得再次光臨，和期待其他菜式。