更多
2017-01-06
1130 瀏覽
聽到冇a la carte，我心裡一沉，原先上網check 咗諗住食嘅museli冇得食。barista哥哥用細到只有佢自己先聽到嘅音量解釋: 「廚房唔夠人手」，anyway，好彩有沙律。我坐吧檯，座位好迫，隔籬位哥哥眼超超咁，令我感覺唔多自在，係架，食嘢，間餐廳D 客人嘅行為都要計埋，因為好影響。另一樣嘢要計埋嘅，就係背景音樂，食嘢除咗色香味，仲要好聽! 當然你可以自己塞住隻耳，但背景音樂可以演繹餐廳嘅主旋律。點解呢度坐落點解好似越坐越悶咁嘅? 就係因為冇音樂，聽真D 原來係有嘅，但只得兩分貝... 不一會，烤南瓜沙律出場，賣相唔錯，起碼唔係得隻碟大，食落口，正! 好香南瓜味，平時覺得南瓜淡茂茂，專係要彌玩Halloween，原來新鮮烤出彌係咁香，有D 似燴番薯! 烤紅椒爽甜多汁，米住，白色一粒粒係咩隬? 係烤芝士呀! 我未食過呀! 乜唔會熔咩?! 似係feta cheese，烤到硬身，好濃郁! 少少就夠，好滿足! 仲有車厘蕃、合桃，沙律菜。沙律醬用上兩款，D「餸」用Balsamic (唔係佢嘅廉價替代品紅酒醋)，而沙律菜就用凱撒醬，令成件事立體化咗，而且份量適中，唔會食到成口醬。M
不一會，烤南瓜沙律出場，賣相唔錯，起碼唔係得隻碟大，食落口，正! 好香南瓜味，平時覺得南瓜淡茂茂，專係要彌玩Halloween，原來新鮮烤出彌係咁香，有D 似燴番薯! 烤紅椒爽甜多汁，米住，白色一粒粒係咩隬? 係烤芝士呀! 我未食過呀! 乜唔會熔咩?! 似係feta cheese，烤到硬身，好濃郁! 少少就夠，好滿足! 仲有車厘蕃、合桃，沙律菜。沙律醬用上兩款，D「餸」用Balsamic (唔係佢嘅廉價替代品紅酒醋)，而沙律菜就用凱撒醬，令成件事立體化咗，而且份量適中，唔會食到成口醬。
Macchiato，口感好smooth、味道好扎實，剛柔並重。一般精品咖啡店唔知係趕潮流定咩，好鍾意用非洲水洗單品豆彌做espresso，太酸! 要彌沖flat white/ latte，奶味蓋過就唔覺，但espresso/macchiato 就唔多惦，我喺呢度飲嘅呢杯就冇呢個問題。
光顧過18 Grams 嘅其他分店，印象好好，好欣賞佢哋做嘢一絲不苟，所以隬呢處試試。呢間店起了另一個名，別樹一幟，個名稍嫌冇18 Grams 咁醒目同親民。成日覺得D咖啡店，因為舖租貴，淨賣食品維唔到皮，要靠賣嘢食來補貼，所以喺咖啡店嗌嘢食係預咗搵笨，原來有例外，今次有點喜出望外! 平就唔平架喇，交到貨囉。
張貼