-
話說疫情令戲院關閉後，就無踏足過isquare🎥，發現原來開左幾間新餐廳，呢間粉藍色裝修嘅星加坡菜環境幾舒服🇸🇬，地方闊落，尤其係窗邊卡位景觀更為開揚。食物款式好多，本來想叫海鮮，因為menu上面D大蜆、鮑魚望落吸引😋，不過因為疫情關係來貨不定，暫時未有供應。
1️⃣ 特級北海道帶子海鮮喇沙麵 $148
就咁魚蛋喇沙只要$68，不過小編試左最貴，相對豪華嘅一款💸，湯底微辣重椰子味，麵底係粗油麵，配料有青口、鮮蝦🦐、巨形帶子、半熟雞蛋🥚，少不了芽菜豆卜，相當豐富，份量亦好足料，若海鮮再入味D會更完美。
2️⃣ 新加坡海南雞飯 $88
海南雞上枱已經淋上醬油🐓，肉質嫩滑，水準達標！油飯質地比一般乾爽🍚，無咁油膩，值得一讚。
3️⃣ 柚子沙律 $78
雖說想清清地食個salad🥙，不過佢堅係淨得生菜同柚子，做到refreshing效果🪴，但若然加多一兩種菜或花生碎等配料，整體感覺會更豐富。
其實餐廳平日有lunch set🍽️，星期一至五提供不同套餐，$70左右相對抵食，仲有個舒服嘅環境，坐耐少少傾下計都唔怕！
-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐
