祥雄冰室 (裝修中)

嚟到粉嶺探完朋友，附近搵個地方食埋個晚飯！喺祥華邨內的祥華街市有間新開的祥雄冰室，被店鋪正門擺放的獎牌吸引，話係由酒樓大廚主理，好似幾吸引咁 蜜汁金沙骨煎脆蛋飯 ($55)餐牌見到有隻廚師推介的手指公，毫不猶豫叫咗，果然鎮店之寶。燒香的蜜汁金沙骨加上薑蓉、蔥油、醬汁及煎蛋流出的蛋黃汁撈飯一起吃，細味時非常有層次，充滿港式地道風味！這個菜色令我想起暗然銷魂飯，改成以金沙骨代替叉燒同樣出色！招牌海南雞配油飯 ($56) 海南雞肉嫩滑、油飯糯軟中有咬口，甜點醬汁香辣可口，另附上小食脆口腰果。特飲椰汁紅豆冰加$8價錢合理，椰汁濃厚，紅豆煮淋甜甜的，個人覺得值得轉成特飲！附送例湯霸王花煲豬骨湯，話說係第一次食霸王花（屋企好少煲呢類型既湯😂） 原來霸王花係可以食既，仲要清甜好味😋 整體菜色都好味，而且以大眾的價錢，食物質素又唔錯～ 友人話午餐的沙爹牛麵都好好味，下次有機會再嚟試下先～😬