經朋友介紹左呢間係銅鑼灣嘅鮨店！
原來呢間係連續4年獲得米芝蓮嘅鮨店！
.
餐廳當日嘅壽司吧都滿約😭只好坐旁邊嘅檯～
當晚叫左omakase！
.
汁煮東風螺、雞泡魚皮、沙甸魚
先黎係三款前菜～都係比較罕見嘅前菜！當中嘅雞泡魚皮更加係我第一次食omakase食到😳
爽甜無比 口感好特別～
.
赤貝、針魚、金目鯛、海蜇、鱆紅魚、帶子、大拖羅
之後奉上係多款刺身 比起平時係壽司吧逐款遞上
一個刺身盤奉上的確靚好多！而且頗有驚喜嘅前菜已經為我打開胃口😆
針魚店員特別提醒要沾上薑蔥豉油食 鮮味果然完全被薑蔥提起 超鮮甜～～
當中嘅金目鯛盡見師父嘅切功～～
海蜇呈粒狀 咬起黎好有嚼勁！口感超讚！
帶子咬落非常爽口 香甜就係齒頰中散發出～不錯👍
.
海鰻魚魚苗
之後奉上竟然係海鰻魚苗！
配上特調嘅蘿蔔蓉薑蔥酸汁 鍾意食起黎有微微薑嘅辣勁
彈性同咬口充分交代魚苗嘅生猛程度🥰好喜歡呢道菜
.
天婦羅：冬荀、炸蠔、青椒
到左天婦羅🍤！一共有三點，分別兩款野菜、一款海鮮
炸蠔建議加上綠茶鹽 蠔唔係超肥美個種
不個咬開鮮鹹香不斷 配合綠茶鹽更加襯托出個香味
而冬荀非常爽口 青椒亦炸得油而不膩😇
.
象拔蚌、剝皮魚+魚肝、燒拖羅、池魚、北海道白海膽、白蝦明太子
壽司一共有6款～用上當造嘅刺身！
師父握功不錯 刺身緊緊包住醋飯～醋飯粒粒分明但不失黏力夾起仍不會鬆散！刺身比較難忙係白蝦明太子
白蝦肉質彈牙爽甜 上面粒粒嘅明太子為口感提昇左層次
另外北海道白海膽食落非常鮮甜 綿綿口感好滿足
.
清酒煮蜆
煮物係清酒煮蜆 蜆肉肥美巨大 配合清酒提起鮮香！正好作食壽司過後暖一暖胃！
.
水信玄餅 日本士多啤梨
最後嘅甜品有超精緻水信玄餅 淋上黑蜜同黃豆粉 冰涼的超滋味！仲有時令水果士多啤梨 多汁又香甜
為呢頓omakase畫上完美句號！
