更多
2018-12-16
43 瀏覽
天氣開始轉涼了,又係時候食返碗熱辣辣既拉麵暖下胃!咁岩朋友想食沾麵,上網搵到呢間拉麵Jo評價都幾好所以就決定試下佢!一入到去就有種去左日本既感覺,圍住師傅排排坐等食麵!室內都坐得幾舒服,不過如果拎住個太大既袋就未必有位擺到(要留意返) 黎個陣大概6點幾所以都唔洗排隊就入到,到走個陣就開始多人啦,真係早來的老饕有麵食。同朋友都不約而同揀左特製沾麵(熱麵),等左大概8分鐘就有得食!一黎到個湯仲係滾到起泡,正!個湯好濃好入味,將d麵浸落去個味道岩岩好!順帶一提d紫菜好好味同個湯好夾,食落去有紫菜本身既香味加埋濃湯既點綴簡單係畫龍點睛!叉燒肥瘦適中食落都唔會有膩既感覺!小食叫左炸蟹肉忌廉餅同炒野菜,炒菜都足料但唔算太特別,個忌廉餅就真係有驚喜,好香又幾creamy,係細粒左少少姐!食完沾麵可以叫師傅加湯,飲埋個湯個胃都暖埋!見人開始多,找數埋單,滿足既一餐!
咁岩朋友想食沾麵,上網搵到呢間拉麵Jo評價都幾好所以就決定試下佢!
一入到去就有種去左日本既感覺,圍住師傅排排坐等食麵!室內都坐得幾舒服,不過如果拎住個太大既袋就未必有位擺到(要留意返)
黎個陣大概6點幾所以都唔洗排隊就入到,到走個陣就開始多人啦,真係早來的老饕有麵食。
同朋友都不約而同揀左特製沾麵(熱麵),等左大概8分鐘就有得食!一黎到個湯仲係滾到起泡,正!
個湯好濃好入味,將d麵浸落去個味道岩岩好!順帶一提d紫菜好好味同個湯好夾,食落去有紫菜本身既香味加埋濃湯既點綴簡單係畫龍點睛!叉燒肥瘦適中食落都唔會有膩既感覺!
小食叫左炸蟹肉忌廉餅同炒野菜,炒菜都足料但唔算太特別,個忌廉餅就真係有驚喜,好香又幾creamy,係細粒左少少姐!
食完沾麵可以叫師傅加湯,飲埋個湯個胃都暖埋!
見人開始多,找數埋單,滿足既一餐!
張貼