明閣 (香港康得思酒店)

明閣果然是米芝蓮一星，環境高雅、地方寬敞，入到去就覺得古色古香，比香港其他分店更有feel。趁住 Restaurant Week，梗係要試吓佢哋嘅 Dinner Menu。
1. 前菜三重奏
特釀梅酒5度陳醋冰鎮車厘茄：酸酸甜甜，冰冰涼涼，開胃一流。
至尊蜜汁叉燒：香甜而唔膩，肉質軟腍，啱啱好。
松露鳳梨乳豬件：乳豬香脆，松露加鳳梨令味道更有層次，好有創意。

前菜三重奏

2. 酥炸釀鮮蟹蓋（招牌必試）: 大大隻蟹蓋炸到金黃香脆，一敲開就見到滿滿蟹肉絲，餡料簡單：蟹肉、洋蔥、忌廉，蟹味濃郁，入口即化，好正！

酥炸釀鮮蟹蓋

3.  翠塘龍蝦瑤柱魚子醬海皇羹 : 龍蝦肉彈牙鮮甜，魚子醬帶少少鹹香，羹湯濃郁又鮮美，好有層次。

4. 古勞麵豉焗銀鱈魚伴蝦子柚皮 : 銀鱈魚肉厚嫩滑，麵豉香味唔搶魚味，蝦子同柚皮加埋，鹹中帶微酸，好特別又醒胃。

古勞麵豉焗銀鱈魚伴蝦子柚皮

5. 濃湯鮮竹花膠絲浸時蔬 :  竹絲花膠滑溜，湯底鮮甜濃郁，蔬菜清脆爽口，平衡得好好。

6.  原隻鮑魚瑤柱燴飯 :  鮑魚有咬口，瑤柱味濃，飯粒吸滿湯汁，好滿足。

原隻鮑魚瑤柱燴飯

7.  甜品 :  楊枝甘露：甜而唔膩，芒果味香濃，好清新。香芒糯米糍：軟糯帶果香，完美收官。

1

楊枝甘露 + 香芒糯米糍

整體嚟講，明閣唔止係食得開心，環境舒服，無論食材新鮮度、味道層次同擺盤，都有米芝蓮水準。