愛上米線 (漆咸道南) (已結業)

經過寶勒行見到有間 "愛上米線"，🤔幾時開架，我未試過，一於試下先。呢度有飯，有米線叫，我地叫左3個主食同啲小食。酸菜脆鯇魚湯米線，魚片都幾多，酸菜同湯底都好啱香港人口味，原來呢度係用海鹽，徤康啲。藤椒雞粒拌米線，好惹味，啱哂鐘意重口味既人。招牌脆炸蛋肉沫拌飯，呢度係用珍珠米架，粒粒飽滿分明。呢個拌飯好好味，配埋隻脆炸蛋，好正，隻蛋係裏面係流心架。另外叫左既小食有話梅小蕃茄，甜甜酸酸；醋香青瓜白木耳，好爽口，白木耳好少見；䓤油餅，好香口。埋單見到減左30蚊，原來呢度外賣每買一個飯或米線就每個減10蚊，👍又慳返啲。