Owl's Choux

營業中

休息中

米之蓮街頭小食，出名泡芙，次次嚟親都係食creme brulee。一嚟覺得佢係數一數二多人叫之外，其實係因為焦糖燒得好靚，咬入去入面嘅奶油係流心，依度嘅泡芙比出面一般連鎖店嘅要脆口得多，原因係即叫即整，需要等候。泡芙能夠做出脆皮微熱嘅外殼，入面奶油係微凍嘅口感，令到入口十分衝擊，所以要襯熱食最佳。而老闆遞俾每位客人都係會溫馨提示。$34蚊1個雖然比較細，但贏在用心。唔知係咪特登比較細，叫人食完回味無窮，想要多一口兩口才滿足。