小草十八怪石鍋米線

朋友介紹呢間食物多選擇又有質素。下午茶時間上到去唔算多人，卡位任坐。

餐牌果然好多選擇，米線到打邊爐，籠仔飯到串燒，一定有樣野岩食。QR Code 下單方便快捷，荷葉飯選擇左雞肉冬菇。黎到係好大份香噴噴，可以隨自己喜好加甜豉油增加咸味。雞好滑，不過小心有碎骨，冬菇炆過都好入味。

另外仲叫左好多串燒分享食，非常過癮。首先推薦燒原條茄子，大大條面頭超多香蒜茸，食落好香口惹味。再叫左既半打燒生蠔都好值得推薦，呢個價錢已經俾我想像中要大隻好多，浸住生蠔汁好鮮甜，性價比高。