上環 - 《孖沙茶餐廳》
環境:
上環地鐵站A2 出口行幾鐵分鐘就到, 唔算難搵. 普通茶餐廳格局, 不過伙記同老細服務態度唔錯
, 唔似平時茶記d 伙記.
食物:
孖沙既食物同一般茶記冰室差孖沙招牌菜係叉燒三蛋飯, 據老細講平日中午1:30通常已經賣曬. 今次食唔到叉燒三蛋飯, 試佢個雞翼三蛋飯.
其實食物雖然沒有甚麼特別, 不過有時簡單野都好好食
, 呢個就係好例子, 三個太陽蛋加三隻煎雞翼, 再加上自家製豉油, 係香港獨有茶記的味道.
講到香港味道, 當然唔少得紅豆冰. 孖沙個紅豆冰都不錯, 紅豆份量多和味道都夠甜.
價錢:
三蛋飯$37, 紅豆冰跟餐加$7, 價錢在中上環區算好平, 如果黎開呢區想平食可以黎呢間地道茶餐廳試試.
