永利餐廳 (已結業)

在附近training 完一班人落黎食野，早十分鐘打落黎叫餸，黎到啱啱好。呢晚啲沙拉骨差左少少，肉有啲痴骨，味道亦偏酸少少。蝦醬通菜炒得幾惹味，蒸水蛋亦好滑，唔會太鹹。沙嗲肥牛粉絲煲都好足料。西檸雞就少汁左啲。蒸鮮魷就細條少少。全晚幾個餸大致上都唔錯，有位挑剔但街坊餐廳黎講算唔錯，會再幫襯。最中意黎到人頭一人一碗足料中湯，冇咩味精味，亦啱曬我呢啲屋企冇咩湯水飲嘅人。即使舖頭就收工，伙計態度都唔差。舖頭冷氣夠，乾淨企理。