13
10
5
等級4
2013-08-19 24 瀏覽
出咗名先去預咗要等,亦要面對水準不穩定嘅情況。殊不知等咗四十五分鐘都未見奶茶蹤影,當然碟飯都一樣未見影,比我遲落單嘅人都已經飲緊飲緊,再問下阿姐之後下終於見影。奶茶方面,茶身偏薄,茶味唔夠香濃,但勝在夠滑,可惜未算係我杯茶。除咗已經喺宇宙消失,位於彩虹村嘅鑽石冰廳杯奶茶之外,暫時較合自己心意嘅奶茶,就係位於觀塘嘅華漢茶餐廳,水準算穩定,每星期去一次,四次嘅水準都keep倒,只係有一次跌咗10%左右。除咗奶茶,仲叫咗一碟涼瓜牛腩飯,因為阿姐話唔駛等太耐,其實咪又係等咗四十五分鐘。呢碟飯真係多謝晒,個汁都唔知用咩煮,好迷幻,最大問題係啲牛腩已經變壞咗,只好放棄。本來想提一提佢哋唔好再賣比人,不過佢哋連收錢都冇時間,所以都係算吧啦。環境方面,其實對住個綠草如茵嘅小徑,係相當唔錯,可惜太多渠位,搞到比較多嘢咬,再加上同場上演爆渠,搞到又濕又臭,令我咋咋淋飲完杯奶茶就即走。服務方面,同一時間咁多人唻幫襯,啲阿姐都算係好脾氣架喇,除咗要等四十五分鐘至一小時之外,都算係合格架喇。
更多
熱奶茶
209 瀏覽
0 讚好
0 留言
出咗名先去預咗要等,亦要面對水準不穩定嘅情況。殊不知等咗四十五分鐘都未見奶茶蹤影,當然碟飯都一樣未見影,比我遲落單嘅人都已經飲緊飲緊,再問下阿姐之後下終於見影。
奶茶方面,茶身偏薄,茶味唔夠香濃,但勝在夠滑,可惜未算係我杯茶。除咗已經喺宇宙消失,位於彩虹村嘅鑽石冰廳杯奶茶之外,暫時較合自己心意嘅奶茶,就係位於觀塘嘅華漢茶餐廳,水準算穩定,每星期去一次,四次嘅水準都keep倒,只係有一次跌咗10%左右。
除咗奶茶,仲叫咗一碟涼瓜牛腩飯,因為阿姐話唔駛等太耐,其實咪又係等咗四十五分鐘。呢碟飯真係多謝晒,個汁都唔知用咩煮,好迷幻,最大問題係啲牛腩已經變壞咗,只好放棄。本來想提一提佢哋唔好再賣比人,不過佢哋連收錢都冇時間,所以都係算吧啦。
環境方面,其實對住個綠草如茵嘅小徑,係相當唔錯,可惜太多渠位,搞到比較多嘢咬,再加上同場上演爆渠,搞到又濕又臭,令我咋咋淋飲完杯奶茶就即走。
服務方面,同一時間咁多人唻幫襯,啲阿姐都算係好脾氣架喇,除咗要等四十五分鐘至一小時之外,都算係合格架喇。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2013-08-19
等候時間
15 分鐘 (堂食)
人均消費
$40 (午餐)
推介美食
熱奶茶