板前壽司 (已結業)

難得同舊同學聚會，想係又一城搵間坐得耐的餐廳，大家一致同意食板前。六點拎位，等到八點先有，好彩又一城夠大，行左轉返呢都仲未到　＞＜等餐死後，終於有得食，首先來一盤三文魚壽司，再來鮮帶子、赤貝、玉子、墨魚　etc三文魚不用說，3蚊碟，大大件，回本必備；赤貝雖然35蚊，但大件同鮮甜的程度令人開心不得了，真係成隻手指咁長的赤貝，未食先興𡚒，食完超開心。帶子，生熟都鮮味，不過熟帶子點都唔夠鮮帶子鮮甜，玉子就有點失望，鹽燒蝦就食唔出有什麼與別不同，另一個遺憾係海膽賣哂。可能真係太多人，要舉手好耐先有人，同埋真係等得太耐，無點耐性都唔駛食，除此之外都好滿意，人人食三蚊三文魚都食都飽飽，埋單都只係每人100，徹底扺食。下次有聚會都會食，赤貝係不二之選。