京．33 (已結業)

第一次食炸飯堡，選擇左牛蒡牛小排，朋友選擇左鰻魚。可以選擇單點或者跟set，set與單點相差$10，而我同朋友都選擇左set。set 有沙律同湯，可以加錢轉飲其他飲品。位置坐得舒服，唔太迫，檯與檯之間有距離。成個午餐，都播放著eason Chan 既歌。等左大概5分鐘已經有得食，薯蓉都好綿，仲有少少一粒粒薯仔，增加層次。可以食到兩種薯仔質感。湯係味噌湯，都有海帶係入面。主角：牛小排飯堡飯面有紫菜包著，入面飯面脆脆地，飯內軟軟地，加上適量既汁，配合得好。牛蒡和牛小排方面，分量一d都唔少，一絲絲牛蒡，味道好出，牛都可以，唔會太嚡。入面仲有塊生菜，有菜有肉，均衡返。提外話：對於胃口大的朋友仔來說，一個set未必夠，可以選擇加配唔同小食。