素年 (汝州街)

營業中

休息中

週末打咗兩餐邊爐，今日想食返健康少少，所以同家姐去完買嘢就過咗嚟試呢一間小清新素食Cafe。本身以為只係食個沙律咁簡單，但係偏偏就比佢嗰啲素肉美食吸引咗，所以點左日式咖喱吉列新豬肉豬扒意大利飯同埋不可能漢堡包！其實我地本身都有啲擔心，食落會有陣假肉味，點知味道令人喜出望外，咖喱吉列豬扒飯唔單止個意大利飯出色，個吉列豬扒亦都係完全冇得輸，唔講都唔會知你食緊素肉，其實之前都有試過唐記個新豬肉包，但係都冇呢一個咁震撼。不可能漢堡包更加係可以媲美一個好食嘅漢堡包，唔知點解佢咬落去你會見到舊肉係有種半熟嘅粉紅色，而且味道同一般漢堡包一模一樣，咬落亦有漢堡扒嘅口感，好好食！臨走時見到隔離枱食東陰意大利飯都好想食，希望下次可以黎試吓。