蒲東小館 (彌敦道) (已結業)

雖然難得開放返可以四人一檯既堂食，但係我地公司都係決定叫外賣APP係自己位食lunch聽公司同事話呢間送得快又平又抵食，所以我地決定一齊試下。 個lunch set係幾抵食，68蚊有個麵+，小菜+汽水。 我就單點左個水煮牛麵 都唔錯另外我地亦單點左個花雕醉雞同埋涼拌海蜇皮。都算快送到，除左運送員搞錯左d野之外都算可以接受，但係我想講，我真係第一次食熱既花雕醉雞，可能係特色都算了，我一打開我地所有人都覺得好唔抵，86蚊一份花雕醉雞竟然得頭頭尾尾，好似無雞所以硬湊一份送黎咁！ 好多都係骨，無乜肉見到.... 味道係濃味（可能因為溫熱的）但係 真係覺得好失望，寧願買個lunch set，多d野食！