咖啡韓食 (已結業)

今晚嚟咗置富第一城食飯，見到有間韓國菜🇰🇷就嚟試吓。餐廳提供各式各樣嘅韓式餐點選擇，有拉麵🍜、炸雞🍗、石頭鍋飯🍲……今次我就試咗個傳統紫菜飯卷套餐。套餐除咗有主食紫菜飯卷，仲有一碗湯、醬油、泡菜同菠菜。賣相都算ok紫菜飯卷餡料係魚糕、火腿、酸黃蘿蔔、菠菜🥬、雞蛋🥚、紅蘿蔔🥕食落味道都唔錯，但個人覺得飯嘅口感有啲過硬至於湯同配菜則令我有驚喜😄湯🥣入面除咗海澡，仲有小小肉，味道唔錯，調味唔會過咸過淡，冬天❄️飲完成個人都暖哂。兩個配菜—菠菜同泡菜嘅味道同樣好好👍🏻菠菜有浸韓式醋味道。泡菜小小辣偏酸，我呢啲唔食得辣嘅飲啲水都可以食到建議嚟到食飯卷嘅話唔好單叫，俾多幾蚊叫個套餐試吓😄餐廳環境都算唔錯每枱都有水同調味料價錢方面傳統紫菜飯卷套餐係$53，加埋一$58。