更多
2019-10-03
659 瀏覽
I am craving sushi as a polar bear.-壽司就食得多啦，但多數都係坐係到食，但最近香港掀起一股熱潮，就係「立食文化」。簡單d講姐係企係到食，初初諗緊咁咪好攰？但坐左成日Office有個藉口比你企下有咩所謂呀。其實立食早就係日本好流行，講求快靚正，完全迎合香港人風格。今日就同左個朋友黎到尖沙咀核心地段既金馬倫道其中一間人氣立食店「Sushi Sooshi」，可以企既空間唔算好大，我諗企到10個人左右，師傅就係我地面前即叫即做。而佢地每日都會由日本直送優質食材，確保每樣野都新鮮。Staff會第一時間同你介紹兩款熱茶，包括茶包同埋茶粉，各有特色，非常細心！👇▪ 三文魚壽司 - $9▪ 灸燒帆立貝配黑醋鵝肝壽司 - $58▫ 三文魚正常水準，入口夠肥美，唔洗額外點醬汁都夠鮮甜。呢款帶子配鵝肝壽司幾有驚喜，層次多變，入口無腥味，加埋帶子刺身，口感好爽甜。加埋鵝肝香味，黑醋就有錦上添花既功效，非常夾！ ▪ 三文魚籽軍艦 - $20▪ 北海道海膽軍艦 - $68▫ 兩款軍艦都有睇頭，一上碟就知道味道唔差，三文魚多到跌出黎，入口啖啖咸鮮味，非常唔錯。海膽直程係我最愛呀，
-
壽司就食得多啦，但多數都係坐係到食，
但最近香港掀起一股熱潮，就係「立食文化」。
簡單d講姐係企係到食，初初諗緊咁咪好攰？
但坐左成日Office有個藉口比你企下有咩所謂呀。
其實立食早就係日本好流行，講求快靚正，
完全迎合香港人風格。今日就同左個朋友黎到
尖沙咀核心地段既金馬倫道其中一間人氣立食店
「Sushi Sooshi」，可以企既空間唔算好大，
我諗企到10個人左右，師傅就係我地面前即叫即做。
而佢地每日都會由日本直送優質食材，確保每樣
野都新鮮。Staff會第一時間同你介紹兩款熱茶，
包括茶包同埋茶粉，各有特色，非常細心！👇
▪ 三文魚壽司 - $9
▪ 灸燒帆立貝配黑醋鵝肝壽司 - $58
▫ 三文魚正常水準，入口夠肥美，唔洗額外
點醬汁都夠鮮甜。呢款帶子配鵝肝壽司幾有驚喜，
層次多變，入口無腥味，加埋帶子刺身，
口感好爽甜。加埋鵝肝香味，黑醋就有
錦上添花既功效，非常夾！
▪ 三文魚籽軍艦 - $20
▪ 北海道海膽軍艦 - $68
▫ 兩款軍艦都有睇頭，一上碟就知道味道唔差，
三文魚多到跌出黎，入口啖啖咸鮮味，非常唔錯。
海膽直程係我最愛呀，雖然價錢有少少貴，
不過份量都合符正比，相當滿足，食得過！
▪ 加州卷(6件) - $58
▫ 加州卷非常新鮮，用料上乘，蟹籽卜卜脆，而且份量十足，六件都係$58，抵食！
▪ 甜蝦壽司 - $20
▪ 帆立貝壽司 - $20
▫ 散叫壽司仲有甜蝦同埋帆立貝，甜蝦夠爽口，
仲有少少白裡透紅既感覺。帆立貝睇落幾厚切，
味道一樣相當鮮甜，呢個價位叫做幾抵食，唔錯。
▪ 油甘魚壽司 - $25
▪ 大吞拿魚腩壽司 - $48
▫ 聽Staff講佢地既壽司飯係用北海道米，
用上特製壽司醋，所以飯粒咬落口感特別好食，
呢個油甘魚不過不失，色澤剔透夠嫩滑。
除左海膽之外，大拖羅就必點咖啦，油脂豐富，
入口充滿拖羅既油香，絕對回味無窮，價錢唔算貴，
絕對可以接受，埋單都係每人HK$200左右，
就算唔食連鎖品牌，都一樣有更好既選擇呀！
張貼
