Gelare (已結業)

屋企附近最近開左幾間甜品鋪, 其中一間係殿糖級, 本黎諗住去試下, 但去到翻了翻餐牌又覺得唔係好想食凍野, 所以最後都係返黎食GELARE. 因為實在對佢既窩夫念念不忘. 而且今晚仲飲多左一杯咖啡. 係窩夫到掙扎左好耐, 因為窩夫可以加雪糕, 但加雪糕又有啲肥....但我最後都係冇加雪糕. 咖啡方面就揀左本月既精選咖啡: 薄荷咖啡. 一份窩夫, 係上面擺左幾個小山狀的cream. 窩夫熱辣辣, 新鮮烘好. 切開時, cream就融化成雪漿, 滲入窩夫當中. 食落去, 表面微脆(可惜脆度比以前略遜), 但窩夫既蛋香仍然十分濃厚, 而且因為質地較軟, 所以蛋香更容易陷入齒頰當中. 窩夫依然都係好高水準! 薄荷咖啡就有淡淡薄荷味, 對於我黎講唔係好夠. 不過都幾順口.