丼瀛 (已結業)

今日除夕夜諗住同女朋友食餐好嘅，見到依間咁多好評咪book位試下lo，點知先係伏嘅開始。首先一見到個餐牌，哇，出面omakase嘅價錢，咁以為都會有相對應嘅質素啊。左口魚壽司38蚊一件，火炙要加多兩蚊一件，結果條魚仲係凍嘅，鰻魚壽司條鰻魚乾到pk，唯一有價值嘅就係佢嘅刀工同埋碟豉油，壽司上面嘅魚薄到pk。只可以話爭鮮仲好食d。以為只係師傅偶有失準。結果熟食同刺身一樣唔得。牛舌又韌又無味，但係d汁咸到pk。串燒雞腎同牛舌一樣味。6點刺身收我400加一，結果食落去件件一樣味。海鮮Don飯唔用醋飯都算，吞拿魚蓉沒解曬凍，海膽苦嘅，魚子腥嘅，都夠膽收得落338一碗。天婦羅夾起身淋到pk。究竟我做錯d咩先會揀左依間。出面大部分放題質素都會比依間好。黃店姐，做到咁好難叫人撐你。我就唔信咁嘅質素竟然有500幾個好評。有依個心機同成本請打手不如比d心機改善下個食物質素啦。