滬庭坊 (已結業)

黎到旺角其實都有好多野食，但經過呢間餐廳時，朋友話想試下，就入咗黎喇。呢到雖然裝修一般，但侍應姐姐態度好好，積極有禮貌，令人整體感覺有誠意。🥢 水煮桂花魚因為本身唔太食得辣，所以就叫咗小辣。桂花魚片都算滑同大片， 湯底辣度岩岩好，而餐廳做緊優惠，只要like 社交平台就會送凍豆漿，所以唔怕食得好辛苦。配菜方面有菇、粟米芯、薯粉、芽菜等等，我幾欣賞有粟米芯，因為粟米芯本身好甜，剛剛好可以中和辣度，薯粉亦煮得好入味，麻麻辣辣咁唔錯。🥢 酸辣湯拉麵呢個冇得揀辣度，但好彩唔算太辣，伴住豆漿咁食還好 😆而味道屬正常水平，不過不失。🥢爆汁牛肉餡兒餅呢個有小小驚喜，一咬落去就感覺到有好香好熱嘅牛肉汁滲出黎 (所以建議大家要放涼小小先食，因為剛剛煎好，小心唔好燙親 😆) 入面嘅餡唔會好硬好實，口感剛剛好，而外皮有小小酥皮嘅感覺，整體唔錯。