淨係出面水吧自助區都有成2X款野比你自己拎，有丸有午餐肉，仲有D少見既好似油揚、秋葵呢D，都幾正~
再行入D見到佢有小食，除左有我最愛既螺肉之外，竟然有咖哩魚蛋同蘿白!! 雖然唔係幾夠3辣，但勝在夠入味，應該唔係攞貨返黎，誠意滿分呀!
作為一間放題，牛肉可以話係決勝負既關鍵。好在佢呢度都叫過關，叫左果隻200日澳洲穀飼牛同牛頸脊，兩種肉都幾有牛味，而且唔係入口即柴既殭屍肉，D雪花都真係堅既雪花，食落有油香有肉香，2百幾蚊就有呢個質素，仲想點啫~
除此之外仲有個自助既天婦羅吧，有晒工具同材料係度比你自己玩炸物天婦羅，都幾過癮~
臨走前先發現原來佢加$30蚊可以無限追加刺身!!!蝕左啦今次…真係下次再黎過
