鳥棲日本料理 (已結業)

因為平時喺觀塘有做嘢，所以都會喺觀塘工廈尋覓食物。今次就嚟到呢個鳥棲日本料理，因為都好似幾多人食過吓，所以就入咗去。咁因為嗰陣時係假日午餐，我就叫咗一份明太子海鮮烏冬。其實個烏冬set係幾驚喜嘅，因為首先明太子醬滲透晒入去烏冬入邊，食到每一條烏冬都有味道，而唔係分開，呢個係好難得嘅事。而且菜都比較豐富，海鮮都係足嘅。但係佢嘅服務態度真係好差囉。首先有入到去果下，冇人去serve我啦，但係嗰陣時唔係好忙，啲店員個個都企晒喺度唔知做乜嘢？而且我冇餐牌又冇人見到啦，講緊係有幾個店員都企咗喺度發吽豆，搞到我要自己扯個身埋去隔離枱度拎。咁嘅服務態度真係好令人卻步囉。