同人鍋 (已結業)

最近聽朋友講同人鍋又有新搞作, 但佢又故弄玄虛要我自己試, 所以就懷著期待既心情再黎同人鍋~佢地個雞煲依然比較特別既方法, 比起外間既炸雞呀炒雞底呀有好大分別 , 佢地個雞煲係有大量既湯汁, 比較似係煮雞/炆雞, 所以雞肉係寧舍滑而且成個煲冇咁油膩, 落粗薯粉配合湯汁一起食用, 薯粉吸收了湯汁既辣味與香料芳香, 另外佢地自家炸既響鈴都可以放落去雞煲汁度浸, 拎上黎又係索曬D汁, 真係無得頂. 食完雞煲後又到左海鮮火鍋時間 , 新搞作就係登登~~花膠湯底!此湯可以稱得上是護膚養顏恩物 , 男女老少都會讚好~而且湯底花膠亦都唔係隨隨便便一兩塊就算 , 誠意之作.火鍋之前可以小嚐一口湯底 , 感受一下此湯既鮮味 . 配料方面他們有比較特別的丸類供大家選擇 , 例如:黑椒馬啼丸 ,  北海章魚丸 , 飛魚籽魚蛋腸及水晶包 , 當中黑椒馬啼丸口感比較豐富 , 肉質彈牙 . 水晶包要煮比較久, 紫薯味甜過綠茶味, 但兩款都好好食. 另叫左幾粒當甜品咁食, 哈哈哈. 最後壓軸黎個海鮮盤, 有蠔蜆鮑魚聖子同魷魚. 除左蠔係冰鮮之外, 其他都好新鮮, 聖子好大隻, 而鮑魚就好鮮甜, 可惜任食係唔包, 要