影片
更多
2017-11-28
1383 瀏覽
晏晝同朋友行完D2 PLACE嘅周末市集，行到肚餓就直接係商場入面開埋餐。果然一個商場就滿足到吃喝玩樂，不枉D2成為近年荔枝角及長沙灣一帶嘅新地標。鮨芸館近排做緊個叫大分祭2017嘅活動，可以品嚐到當地特產鰤魚及各樣新鮮食材。啱晒我呢啲鐘意嚐鮮嘅為食鬼。大分日田梨沙律。用上大分縣有名嘅日田梨入饌，食落偏甜軟鬆脆而且果汁飽滿，雖然比韓國嘅水梨少左一重清脆口感，但果香同水份更勝一籌。配上車厘茄同火箭菜一齊食，酸甜中帶甘香非常開胃。柑橘鰤魚刺身。肉質明亮淡淡嘅粉紅色非常吸引，食時擠一點旁邊嘅柑橘汁代替山葵更能帶出魚肉本身嘅鮮味。加上肉質夠緊緻結實，食落軟嫩中又夠咬口。鰤魚壽司。以柚子胡椒作配，微辣香氣吊出魚嘅鮮甜味，開胃之餘亦無山葵咁嗆鼻。佐伯市海鮮丼。材料好豐富除左有鰤魚，亦有元貝／池魚／竹籤魚及玉子燒等。完全係將整個大分祭嘅重點共冶一爐。特別是佢醋飯當中亦加入柑橘調味，令酸味變得無咁單調，配上甜醬汁攪拌入口魚香及飯香混和，十分滋味。豐後牛他他燒。薄薄一片嘅牛肉只有兩成熟，但已包含好濃郁嘅牛肉味。食落好嫩滑，脂肪入口即溶。雖然芥末醬偏香辣但都無損牛肉本身嘅味道，反而起到辟腥嘅作用去除左多餘
鮨芸館近排做緊個叫大分祭2017嘅活動，可以品嚐到當地特產鰤魚及各樣新鮮食材。啱晒我呢啲鐘意嚐鮮嘅為食鬼。
大分日田梨沙律。用上大分縣有名嘅日田梨入饌，食落偏甜軟鬆脆而且果汁飽滿，雖然比韓國嘅水梨少左一重清脆口感，但果香同水份更勝一籌。配上車厘茄同火箭菜一齊食，酸甜中帶甘香非常開胃。
柑橘鰤魚刺身。肉質明亮淡淡嘅粉紅色非常吸引，食時擠一點旁邊嘅柑橘汁代替山葵更能帶出魚肉本身嘅鮮味。加上肉質夠緊緻結實，食落軟嫩中又夠咬口。
鰤魚壽司。以柚子胡椒作配，微辣香氣吊出魚嘅鮮甜味，開胃之餘亦無山葵咁嗆鼻。
佐伯市海鮮丼。材料好豐富除左有鰤魚，亦有元貝／池魚／竹籤魚及玉子燒等。完全係將整個大分祭嘅重點共冶一爐。特別是佢醋飯當中亦加入柑橘調味，令酸味變得無咁單調，配上甜醬汁攪拌入口魚香及飯香混和，十分滋味。
豐後牛他他燒。薄薄一片嘅牛肉只有兩成熟，但已包含好濃郁嘅牛肉味。食落好嫩滑，脂肪入口即溶。雖然芥末醬偏香辣但都無損牛肉本身嘅味道，反而起到辟腥嘅作用去除左多餘生肉味。
燒豐後牛卷。豐後牛嘅另一種食法，將牛肉以飯團包裹並配上加入柑橘汁嘅沙律醬。食落好清爽唔會太有米飯嘅飽滯感。而入面牛肉接近七成熟所以口感更煙韌肉香更出。
燒吞拿魚眼。都係第一次食咁大隻魚眼，表皮經由燒過後發出好香嘅焦油味。魚眼角膜食落滑溜溜的又無腥味加上眼球成粒波子咁大，咬落口感好似糯米丸咁煙韌。同埋魚眼窩附近有着大量魚肉，煮熟嘅魚肉較硬身好適合點上旁邊醬油就咁食。啖啖肉好滿足。
清酒煮緋扇貝。扇貝煮完後肌肉收緊好有咬口，淡淡清酒味取代左甲殼類海產常有嘅微量海水咸腥味，反而係突出左貝肉嘅鮮甜同肉厚質感。
雖然係呢個商場行左一個下午購物方面無乜收穫有啲美中不足，但食到呢個大分祭都算係彌補返成日嘅腳骨力。
張貼
