更多
2017-07-14
13845 瀏覽
聽到朋友話去左「禮賓傅」食飯，我仲傻傻地以為真係去禮賓府啊……見好耐無同屋企人一齊坐低食餐飯，而屋企兩位老人家都係偏好食中餐，就跟機訂枱同屋企人食餐飯啦！餐廳環境都幾雅致，張梳化都坐得幾舒服啊，話晒都中環地段點左每人一個set dinner唔駛煩，估唔到都幾有驚喜喎！首先係迷你鮑魚多士，鮑魚好彈牙，配埋炸到脆卜卜既多士，入口好match！好想食多幾件！跟住係燕窩釀雞翼，平時我都已經好鍾意食雞翼，今次隻雞翼一上枱就見到佢漲卜卜，心諗應該真係好多燕窩喺入面，果然無失望啊！一切開，見燕窩係填滿晒入面！雞翼同燕窩味道亦啱啱好之後係羊肚菌燉螺頭，平時好怕街外啲好油好多味精既湯，呢個湯飲唔係好油，但係又落足料。羊肚菌無乜泥沙，食得出師傅有用心清洗。個湯仲有螺頭同其他材料，淨食湯渣都好滿足啊再黎係鮮蟹肉大良炒鮮奶，蟹肉同鮮奶都炒得好滑，唔落醬汁都已經好好味，食到蟹肉同鮮奶本身既鮮味。加少少醋之後鮮味更出！之後紅燒花膠，女人至愛的花膠！花膠好厚好足料，但超腍！入口覺得每一啖都真係好養顏的感覺！好正南瓜燴安格斯牛腩，平時少食牛腩因怕ｕｎ…但呢度既牛腩竟然係又鬆又入味，呢個真係有驚喜蘇千層浸芥菜膽，個蘇千
首先係迷你鮑魚多士，鮑魚好彈牙，配埋炸到脆卜卜既多士，入口好match！好想食多幾件！
跟住係燕窩釀雞翼，平時我都已經好鍾意食雞翼，今次隻雞翼一上枱就見到佢漲卜卜，心諗應該真係好多燕窩喺入面，果然無失望啊！一切開，見燕窩係填滿晒入面！雞翼同燕窩味道亦啱啱好
之後係羊肚菌燉螺頭，平時好怕街外啲好油好多味精既湯，呢個湯飲唔係好油，但係又落足料。羊肚菌無乜泥沙，食得出師傅有用心清洗。個湯仲有螺頭同其他材料，淨食湯渣都好滿足啊
再黎係鮮蟹肉大良炒鮮奶，蟹肉同鮮奶都炒得好滑，唔落醬汁都已經好好味，食到蟹肉同鮮奶本身既鮮味。加少少醋之後鮮味更出！
之後紅燒花膠，女人至愛的花膠！花膠好厚好足料，但超腍！入口覺得每一啖都真係好養顏的感覺！好正
南瓜燴安格斯牛腩，平時少食牛腩因怕ｕｎ…但呢度既牛腩竟然係又鬆又入味，呢個真係有驚喜
蘇千層浸芥菜膽，個蘇千層真係咬落一層層，仲好滑
禮賓傅炒飯，望落去似普通炒飯，但一不落去就見到大大隻蝦同埋大大粒鮑魚，好足料的一個炒飯!
椰汁燉官燕，食完花膠再食埋燕窩，好啱女人口味!甜度剛好，而且都係依然足料!
張貼
