入去睇睇 ，店中間係一個爐端燒位置 ，店鋪裝飾都幾好 ，就坐低試一試 。
牆身用瓦片推砌成，幾有特色。
食具都好有日本特色。
要咗一小杯紅酒，配日本燒物都幾好，又可以坐低睇住師傅燒烤。師傅每一個都好用心去燒及不時反啲串燒，亦會留意會唔會燒燶，真係好用心。
首先係南瓜小食，因為臨近Halloween，裝飾咗一個南瓜頭幾得意，味道亦唔錯。
服務員附上自製辣椒配料，唔算，都幾好味。
燒物第一款係燒日本銀杏，燒到金黃色...
1
配上燈光，好似一粒粒金元寶一樣。
跟住係燒雞翼，燒得好均勻，味道亦啱啱好。
豚肉串 ... 豚肉包住番茄仔，食起來亦都比較清新，唔會肥膩。
燒茄子日本茄子，肥嘟嘟，好cute。
雞肉串燒燒得亦都好靚好均勻
串燒豚肉波波，比較少見，肉質比較嫩滑。
燒薄牛舌，上面加咗蔥花檸檬汁，好好味。
薄牛舌，師傅好快就要反了。
日式炸蝦加個日式蒸蛋。炸蝦外貌有啲似越式，而下面加咗啲蘿蔔絲，可以格油，所以一啲都唔油。
燒甜蕃薯都幾乾身，食起嚟好甜，日本番薯係唔同啲。
師傅用心地燒又反。
燒日式鰻魚，睇個樣已知好肥美，食落好美味。
最後，亦都係一個焦點嘅燒牛肉切粒拌飯，加上日本甜豉油，超好味又暖粒粒。
其實有啲似香港嘅煲仔飯。
牛肉係用柴燒，燒到火光紅紅，又有風味。
日式甜品，唔記得咗乜名堂，甜甜地，好似啫喱咁。
