261
55
14
等級4
星期日去IFC睇新iPhone,睇之前先食個午餐。依日想食拉麵,於是喺Openrice搵下,仲見到訂枱食「立体派」三點鐘有8折,咁行個圈買張六合彩就夠鐘啦😚。餐廳位置有啲隱蔽,喺一幢大廈嘅地庫,除非有細心留意或特登搵👀,否則好易行過Miss咗。佢喺士丹利街同威靈頓街中間嘅一條巷仔,下面上去呢就喺投注站旁,而上面落去呢就係喺越南粉隔離落樓梯,有個牌寫住「私家重地,閒人免進」,記住唔好俾佢嚇親⚠️🤣。一入餐廳要先上幾級樓梯,店員果然會問有無訂位,估計好多人都係用App訂台吧。由於過咗正常人食晏時間,所以唔駛排隊直入✌🏻。餐廳有幾款拉麵湯底揀,口味幾特別,另外仲有提供多款小食,價錢中等。餐牌清晰,🧾圖片取代文字説明一切。呢度係店員幫忙落單,而唔係自己劃紙。我哋叫咗兩碗拉麵、兩款小食同飲品,全部都好好食😋,份量又夠多,無得彈!兩碗拉麵併埋一齊比較之下,就睇到大碗拉麵有幾巨型。特級白湯拉麵($118/大),特級白湯有得揀大同小,大份量真係好大😱,個碗勁爆大隻,拎起都重!拉麵造型好吸引,先講湯底,第一啖飲好似有啲鹹,但再飲感覺就唔同咗,🐔雞湯好惹味,我自己仲覺得好似有啲奶油香?我知道湯頭係用上米鴨同
更多
50 瀏覽
0 讚好
0 留言
星期日去IFC睇新iPhone,睇之前先食個午餐。依日想食拉麵,於是喺Openrice搵下,仲見到訂枱食「立体派」三點鐘有8折,咁行個圈買張六合彩就夠鐘啦😚。
29 瀏覽
0 讚好
0 留言
餐廳位置有啲隱蔽,喺一幢大廈嘅地庫,除非有細心留意或特登搵👀,否則好易行過Miss咗。佢喺士丹利街同威靈頓街中間嘅一條巷仔,下面上去呢就喺投注站旁,而上面落去呢就係喺越南粉隔離落樓梯,有個牌寫住「私家重地,閒人免進」,記住唔好俾佢嚇親⚠️🤣。
16 瀏覽
0 讚好
0 留言
一入餐廳要先上幾級樓梯,店員果然會問有無訂位,估計好多人都係用App訂台吧。由於過咗正常人食晏時間,所以唔駛排隊直入✌🏻。
60 瀏覽
0 讚好
0 留言
餐廳有幾款拉麵湯底揀,口味幾特別,另外仲有提供多款小食,價錢中等。餐牌清晰,🧾圖片取代文字説明一切。呢度係店員幫忙落單,而唔係自己劃紙。
18 瀏覽
0 讚好
0 留言
我哋叫咗兩碗拉麵、兩款小食同飲品,全部都好好食😋,份量又夠多,無得彈!兩碗拉麵併埋一齊比較之下,就睇到大碗拉麵有幾巨型。
特級白湯拉麵
$118
21 瀏覽
1 讚好
0 留言
特級白湯拉麵($118/大),特級白湯有得揀大同小,大份量真係好大😱,個碗勁爆大隻,拎起都重!拉麵造型好吸引,先講湯底,第一啖飲好似有啲鹹,但再飲感覺就唔同咗,🐔雞湯好惹味,我自己仲覺得好似有啲奶油香?我知道湯頭係用上米鴨同京都雞等餚煮,所以無豬骨湯咁肥咁膩。
8 瀏覽
0 讚好
0 留言
白湯嘅餸料有幾片超大塊薄切慢煮叉燒🐷,叉燒好薄、師傅刀功好好,雖然口感差少少,但勝在面積夠大搭救!另外,餸料仲有豆苗、筍乾同溏心蛋。
7 瀏覽
0 讚好
0 留言
🥚溏心蛋整得好出色,晶瑩通透,蛋黃勁流心,蛋白就好綿好淋,好味道。
鯖魚湯香菇野菜海蝦拉麵
$108
10 瀏覽
0 讚好
0 留言
鯖魚湯香菇野菜海蝦拉麵($108),鯖魚湯相比之下較為清甜,呈透明色,而唔係奶色。湯頭用上鯖魚同昆布熬製,微微辣🌶,幾開胃。呢款湯底感覺仲幾健康,又無乜油。
5 瀏覽
0 讚好
0 留言
湯底配以大量菇菇🍄、椰菜、芽菜、紅椒絲、大蔥絲同青蔥粒,好豐富。菇類有冬菇、金菇同本菇等,唔食拉麵就咁飲湯有啲似飲緊雜菌湯,我好鍾意。
5 瀏覽
0 讚好
0 留言
兩碗拉麵嘅麵條係一樣,我諗除咗有指定要求外,麵條應該係預設咗粗幼同軟硬度等選項吧。對我嚟講無乜所謂,因為我無特別要求。🍜拉麵麵質彈牙,粗幼適中,掛湯效果幾好。
海蝦
7 瀏覽
0 讚好
0 留言
隨鯖魚湯拉麵附有三隻海蝦🦐,同拉麵分開上的。我諗主要原因係海蝦用酒浸住,免得互相影響味道。蝦肉緊實,帶有酒香,味道出眾;飲啖鯖魚湯,食啖蝦,嗰種口味嘅變化相映成趣。
6 瀏覽
0 讚好
0 留言
蝦肉係連殼上,餐廳好細心有提供🧤手套比客人剝蝦,枱面又有濕紙巾,唔怕整污糟。
汁煮厚切叉燒
$48
6 瀏覽
0 讚好
0 留言
汁煮厚切叉燒($48),叉燒個樣好似東坡肉🐷,其實食落都有啲似。整件叉燒半肥瘦連皮炆煮到好淋,直頭有入口即溶嘅感覺,就算有肥膏亦唔覺膩。醬汁調味唔會好似中式咁重口味,甜甜哋,正。
鰹魚凍湯浸菠菜
$28
5 瀏覽
0 讚好
0 留言
鰹魚凍湯浸菠菜($28),無論食日本菜定韓國菜,我都好鍾意食菠菜做前菜。菠菜面頭有啲碎木魚絲,下面就有好多凍鰹魚湯浸住,好入味!呢個係預期中嘅好食🤤。
8 瀏覽
0 讚好
0 留言
飲品方面,我哋要咗枝綠茶同波子汽水🥤,各售$28,飲品就有啲貴,但其實枱面都有水可以任飲😉。題外話,男店員好好人,好好禮貌,佢落單時有問我哋使唔使開埋支波子汽水,但我哋自己想玩,點知又唔夠力開...,店員見狀即刻主動幫手,抵讚。
5 瀏覽
0 讚好
0 留言
由於疫情關係,所有餐廳都會搵嘢分隔座位。呢度好有心機採用特製透明膠幕隔開👍,此舉讓食客安心之餘,亦唔影響室內環境裝修。
10 瀏覽
0 讚好
0 留言
餐廳外牆嘅壁畫好靚🎨,彷似3D立體畫,門口有拉麵師傅同一碗碗拉麵。
3 瀏覽
0 讚好
0 留言
總括嚟講,立体派係一間非常出色嘅拉麵店,各方面都令人滿意💯。兩碗拉麵湯底各有特色,難以直接比較邊款好食啲。食完之後我理解佢能夠成為得獎拉麵嘅原因!你睇我成碗湯飲哂就知啦😁。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-10-25
用餐途徑
堂食
人均消費
$160 (午餐)
推介美食
特級白湯拉麵
$ 118
鯖魚湯香菇野菜海蝦拉麵
$ 108
汁煮厚切叉燒
$ 48
鰹魚凍湯浸菠菜
$ 28