金鶴拉麵 (蜆殼街)

營業中

休息中

食到差啲以為自己有肺炎，無論係極濃雞白湯拉麵、炸雞或者餃子都係冇味嘅。如果唔係個套餐跟左可樂，而且係熟悉嘅味道，我真係以為自己條脷壞咗。當然我唔知係咪我孤陋寡聞，對雞白湯有誤解，但係對我嚟講，個湯真係超級淡，而且一啲都唔濃。拉麵上面嘅慢煮雞肉同埋叉燒都係完全冇咸味，只可以食到肉味，而且唔太新鮮。當然如果有啲人如果係食得好清淡，清心寡欲嘅可能會覺得唔差。好神奇地係，睇咗咁多食評，都冇人講過個湯好淡。可能係當日一時失準？到個炸雞，係新鮮炸出嚟熱辣辣。但係好可惜，雞肉依然係冇調味。整體來講，唔知自己食咗啲咩，最主要係因為成餐入邊所有嘢都冇乜味。