磊犇 (已結業)

今日得閒，就專登去食下鐵板牛。好彩我同朋友早咗去，所以唔使等太耐。佢哋嘅購買方法全部都係自助形式，我哋就叫咗一分西冷牛扒同埋牛肩肉。各200克同300克。因為我同朋友都唔鍾意食有根嘅牛肉比較難咬，所以叫依兩款。係等待我哋嘅點餐嘅同時，我哋就去自助bar攞餐具，整醬汁，同埋攞湯同飯，留意番，佢哋嘅白飯同埋麵豉湯都係任食，一定食得飽㗎！西冷牛扒比較軟口同有牛肥脂，牛肉味道濃味一點。切條形就熟得好快，建議另外拎個碗防止佢變得太熟。 佢地嘅自助形式，可以令我哋自己調更適合嘅熟度，同埋佢哋有三款唔同嘅醬汁，包括照燒汁，麻醬，胡椒汁。牛肩肉比較厚肉，正正子！有一少部份有根，但唔影響軟硬度，易切！點燒汁最好味，記得要加埋啲玫瑰粗鹽！佢哋嘅鑊氣好重，鐵板係keep住熱，所以唔怕啲肉凍同唔夠熟。飲品種類都有四款，同埋有時如果多人等待嘅時候，我哋就可以先夾啲泡菜，沙律食住先。1845就full house，全家6個7個都嚟食，我哋食完就讓位比人食啦。