東海海鮮酒家 (已結業)

一家人連小朋友去東海食個特價壽宴(有壽包食果隻)，呢個餐6位收$1180另加一茶芥，如要額外人數就每位另收$200。我地除6個大人之外仲有兩個小朋友，所以起初諗住用$400加多兩份；點知，侍應話原來乳豬、東星班、龍崗雞、布甸、荷葉飯呢D加o左人都唔會俾多，實在呃錢；卒之只加一位。個餐包括有：（1）乳豬全體：雖然話係6人份量，但其實似叫例牌咁上下大，差！乳豬算脆皮，可惜唔夠鮮嫩，同鳳城差得遠lor~（2）桂林蝦仁：呢個話7人份量，不過都係好細碟。（3）大地鮮菇：有D西蘭花墊住，望落去大碟D；不過草菇太細粒。（4）腰果雞甫：雞炒得太咸，腰果幾好味。（5）紅燒翅：總共7盅，裏面冇乜翅食，味道不過不失。（6）蒜茸蒸龍蝦(每位半隻)：上檯時隻碟好熱；不過個侍應就咁pat曬o係檯中間等我地自己拿就算~~問侍應可唔可以幫手放o係我地面前，佢只答一句：「隻碟好熱呀！」，就咁走o左去~~今時今日呢D乜o野服務態度o黎o嫁？！（7）清蒸東星班：好細條；不過條魚幾新鮮，蒸得唔錯。（8）龍崗雞：又係例牌size，每人都食唔到兩件~~（9）伊麵，荷葉飯：因為之前D菜碟頭都好細，大家就靠呢兩味o黎飽肚喇。一路食個