影片
更多
2021-08-14
4773 瀏覽
本人甚少食中菜🥢，講起飲茶🍵真係一年都上唔到一次茶樓😅不過近呢十年八年點心店既興起，想要陪屋企人一盅兩件再唔需要去傳統茶樓先至做到😝.一直都知沙田石門出名多黃店💛，有一排同屋企人每個星期都去個度覓食掃黃，幾次唔同時間路過呢間💛點心店都會見到門口有人等位/外賣🥡，人氣都真係幾旺🔥除左一般既點心之外，呢度仲有幾款籠仔荷葉蒸飯同原盅燉湯🍲都頗受歡迎，可惜今次到訪同娘親兩個人食唔到咁多就未有機會試到😆.呢度係用手機落單📱，只要scan完入座號碼紙上既QR code就可以係menu內揀野食，亦可以睇返點單記錄同食左幾多錢，相信各位後生仔女都應該唔會覺得陌生😌****************************** ✨蒸廬拼美點🍱 ($55)呢款雜錦點心有齊鹹甜點，鹹點有粉果、燒賣、蝦餃🦐、菜苗餃🥬同叉燒包🐷，甜點就有馬拉糕、千層糕同馬蹄糕，一籠有9件點心基本上已經好夠喉🙆🏻♀️ 個人認為鹹點會比較出色👍🏻，甜點反而無乜驚喜🤭1️⃣ 粉果入面有沙角、花生🥜同埋肉碎，正常發揮✔️2️⃣ 9件點心入面有兩粒燒賣個人認為呢度出手幾大方既，畢竟係茶樓食一籠燒賣通常都要中點以上🤔燒賣既蝦肉雖然唔算好多，不過口感都
本人甚少食中菜🥢，講起飲茶🍵真係一年都上唔到一次茶樓😅不過近呢十年八年點心店既興起，想要陪屋企人一盅兩件再唔需要去傳統茶樓先至做到😝.
一直都知沙田石門出名多黃店💛，有一排同屋企人每個星期都去個度覓食掃黃，幾次唔同時間路過呢間💛點心店都會見到門口有人等位/外賣🥡，人氣都真係幾旺🔥
除左一般既點心之外，呢度仲有幾款籠仔荷葉蒸飯同原盅燉湯🍲都頗受歡迎，可惜今次到訪同娘親兩個人食唔到咁多就未有機會試到😆
.
呢度係用手機落單📱，只要scan完入座號碼紙上既QR code就可以係menu內揀野食，亦可以睇返點單記錄同食左幾多錢，相信各位後生仔女都應該唔會覺得陌生😌
******************************
✨蒸廬拼美點🍱 ($55)
呢款雜錦點心有齊鹹甜點，鹹點有粉果、燒賣、蝦餃🦐、菜苗餃🥬同叉燒包🐷，甜點就有馬拉糕、千層糕同馬蹄糕，一籠有9件點心基本上已經好夠喉🙆🏻♀️ 個人認為鹹點會比較出色👍🏻，甜點反而無乜驚喜🤭
1️⃣ 粉果入面有沙角、花生🥜同埋肉碎，正常發揮✔️
2️⃣ 9件點心入面有兩粒燒賣個人認為呢度出手幾大方既，畢竟係茶樓食一籠燒賣通常都要中點以上🤔
燒賣既蝦肉雖然唔算好多，不過口感都幾紮實，真材實料👍🏻
3️⃣ 蝦餃🥟外形飽滿，口感爽口彈牙，食得到蝦肉🦐既鮮甜😋
4️⃣ 菜苗餃🥬水晶皮唔會過厚，食落無茶樓咁重味，夠晒原汁原味🤗
5️⃣ 叉燒包夠鬆軟唔會乾爭爭，雖然外貌較為粗糙，味道同樣比坊間食到既無咁鹹，感覺較為健康💪🏻
6️⃣ 馬拉糕非常鬆軟，帶有濃郁黑糖香氣但唔會太甜，同埋完全唔油膩💗
7️⃣ 馬蹄糕既馬蹄粒偏大粒，食落夠爽口，口感同味道方面還好
8️⃣ 千層糕口感都算幾煙韌，但個人覺得自己整既比較好食😂
-
✨魚湯蟲草花鮮竹卷🍲 (中) ($20)
奶白色既魚湯🐟味道都幾濃厚，腐皮卷入面有舊用芋泥包住既豬肉，口感略為有d粉，比一般既鮮竹卷亦無咁紮實，整體而言只屬一般🙈
-
✨蒜蓉豆豉南瓜蒸排骨♨️ (中) ($20)
排骨唔會太鹹，肉質嫩滑，不過有兩舊望落仲係好嫩紅未蒸熟🥶
-
✨鳳凰煎糯米雞🐔 (頂) ($32)
荷葉蒸糯米雞就見得多，煎既就真係比較少見
🤔
原本以為煎糯米雞會係好香口，糯米會煎到好似飯焦咁嘅口感🍳，可惜理想同現實永遠都有出入😂
原來所謂既煎糯米雞只係好似日式蛋包飯咁有層蛋皮包住隻糯米雞拎去煎，口感同平時食既荷葉糯米雞並無分別，個人反而認為糯米口感唔夠黏，有d爛飯既感覺🙈
加分既係呢份糯米雞食完之後唔會覺得口渴👅，入面仲有成隻雞翼同一舊臘腸都幾足料，總括黎講算係不過不失👌🏻******************************
👧🏻人均消費：$65 (另+每位茶芥$4)
😋味道指數：3.5/5
💰抵食指數：4/5
🪑環境指數：3.5/5
💁🏻♀️服務指數：3.5/5
👍🏻再訪指數：3.8/5
-
📍蒸廬
地址：沙田石門安群街3號京瑞廣場一期2樓225號舖
⏰營業時間：11:30–21:00 (Mon–Fri)；
08:30–21:00 (Sat–Sun)
(📍紅磡亦有分店，營業時間有所不同)
張貼
